15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1

Pynbna ka sorkar Meghalaya ya ki bru wym emkaam wow leh COVID-19 Test heipor wa psiah ki chapoh ka jylla

Advertisement ad1
Advertisement ad1

Ka chnat Health & Family Welfare ka sorkar Meghalaya da pyntip ko wa kam chibynta ki kyndon ka Unlock 3.0 ka sorkar India, da booh ya ki kyrdan ki bru sorkar wa kiwi ki bru kiwa emkaam wow psiah chapoh ka jylla neibynta ki kaam yong ki tangwa ki won ym bien wow bood yaki kyndon wa khor wa booh wow Test COVID-19 hapoh ka jylla wei ini da ktah ko ya ki kaam pynroi hapoh ka jylla.

Kamtæ yow lait u pynthut ya kini ki bru neibynta i bha i miat ka jylla, u Lat ka jylla da pynbna ya ki bru kiwa ym emkaam wow leh yaka COVID-19 Test ha ki Entry Point wei kamjooh ym emkaam wow leh Quarantine ki.

Kini kynthup ya ki Constitutional Authorities kitæ kam ki dkhot ka Comptroller and Auditor General,  Election Commission, Finance Commission, Planning Commission wa National Development Council.

Ki bru wa man kam ki VVIP, ki heh ka sorkar pyrdi, ki heh kiwi ki jylla, ki bru ka National Investigation Agency, Central Bureau of Investigation, Intelligence Bureau kiwa wan neibynta ki kaam yong ki wa ki heh ka Income Tax Department wa kiwi ki bru kiwa jied daka sorkar jylla katkam wa emkaam.

Ki kyndon toh wa ym toh wow em ki hapoh ka jylla palat ya 72 kynta.

Toh u pyntip chwa cha ki Deputy Commissioner ki District chwa wow wan ki.

Kiwa wan toh wow Register ki haka Arogya Setu heipor wa em ki hapoh ka jylla wei toh u bood yaki kyndon wa yatoh wa i chait i khiah wei wow neh ki du hapoh ki thaw wa kreh ki.

Ya kitu kiwa em ki dak ki chin wa chitom ki, hap ki wow leh yaka COVID-19 Test katkam ki kyndon.

Share this:
Previous

Tieñsar ki MDC ka UDF wa da sdang knieh ka sorkar jylla ya i hok ki District Council

Next

Da lehkmen yaka National Youth Day ha Jowai