theme-sticky-logo-alt
theme-logo-alt
Advertisement ad1
Advertisement ad1

Pynbna ka sorkar wa nadooh mynstep wow pynkrehkaam pura ka MHIS-IV

Shillong: I pynkrehkaam ya ka Meghalaya Health Insurance Scheme (MHIS-IV) daw sdang pura noh ko nadooh mynstep ka 1 tarik Thohlakhmi ha waroh kawi ka jylla wei i thap pyrtuid neibynta wow yoh myntoi na kani ka scheme daw pteiñ i hadooh soo bnai.

Hawa yaklam wa kiwa pathai khubor, u Montri ka chnat i chait i khiah, u Alexander Laloo Hek da ong u wa i pynkrehkaam pura ya ka MHIS-IV daw sdang noh i nadooh mynstep ka sngi ha waroh 151 tylli ki thaw sumaar sorkar wa kynthup ya ki CHC wa PHC, wei kitu ki bru kiwa ympu em u pynpsiah pyrtuid kiwa haap chah sumaar nadooh mynstep ka sngi daw yoh myntoi wei daw thap yei pyrtuid yong ki.

Heiyatoh wa i pynkrehkaam ya kani ka Scheme ha ki Private Hospital, neiliang u Secretary ka chnat u Praveen Bakshi da ong u wa i yaklam dang lai i chakhmat wow soi ya ka soskular deiwa pynrap leh wa ka sorkar dang hap su ko sa ya ka T. 15 klur cha ki Hospital wei yeini da mang deiwa bhah katkam wa da booh da ka sorkar jylla kawa man T. 70 klur wow pynkrehkaam ya ka hawa kut ka MHIS-IV ha ka bynta ka wa nyngkong.

Da kdaw leh wa ha ki snem wa da dep em 16 tylli ki Hospital samen wa yatohlok wow pynkrehkaam ya ka MHIS wei katni nawon da yaklam wow pteiñ yeini i yakrehlang wa kini ki thaw sumaar.

U Bakshi da ong u leh wa em 2300 tylli ki song yarap chah sumaar na ka MHIS-IV kiwa rap boon bar ya ki snem wa dadep, wei ka sorkar haap mang ko kamwa T. 100 klur ha ka chi snem neibynta kani ka scheme.

Ha iwi i liang won u Hek da ong u wa ka sorkar daw pynkrehkaam noh ko sa ya ka Drugs Policy nadoh ka mang poisa uni u snem, deiwa pynrap wa em kamwa 72 jait ki dawai wa rap emkaam ya kiwa ka sorkar toh u e mynkna ko ya kiwa ye u yoh na ki thaw sumaar sorkar ha waroh 24 kynta.

Share this:
Previous

Pynbna u HS Shylla wa da mih noh u naka NPP deiwa beiñ ya u Conrad wa ym sñiawthooh u ya ka aiñ

Next

Wai u Conrad Sangma yaka Website ka kchaaid Krangshuri