Pynbna ka sorkar ya ka Draft Mental Health Policy yow man ka jylla wa le hapoh ka ri wow em ya kani 

Ka chnat i chait i khiah ka jylla ynne ka sngi kamwa lehwarom ya ka World Mental Health Day, da pynbna ko ya ka Draft Mental Health Policy wow pynkrehkaam ha ka jylla neibynta ki bru kiwa em chitom hei bor pyrkhat.

U Montri wa pait ya ka chnat, u James PK Sangma hawa klam wa kiwa pathai kubor da ong u wa kani ka Draft Policy da booh ha ka Website yong ka Meghalaya Health Department neibynta 15 sngi wow paan yumut na ki paidbah. Da ong u wa hadien wa da yoh ya ki yumut ka sorkar daw rah ko ya kani ka Draft Policy ha ka dhab ki montri (Cabinet) wow yoh yei mynjur.

Da ong u wa ka jylla Meghalaya toh kawa nyngkong dooh ha ka thaaiñ mihsngi wei kawa le ha ka ri India wow wanrah ya ka Mental Health Policy.

Chooh choooh da ong u wa katkam wa chem nei thooh bniah ha ka jylla, em chiboon kiwa chitom hei bor pyrkhat wei da chem leh wa kiwa boon sarom ki wow wan chaphrang wow chah sumaar wow lait nei chah klam.

Related posts

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

Dang jan u lai na Shillong cha Vietnam, Thailand, Laos, Cambodia wa Burma bar cha Delhi: Conrad

November 14, 2024

Heijooh i por da ong u leh wa ka jylla da soi soskular ko wa ka jylla Tamil Nadu wow phah pynpliah ya ki Doctor wa ki Psychiatrist na ka jylla.