U Montri ka sorkar pyrdi uwa pait ya ka Civil Aviation, u Jyotiraditya M. Scindia deilang wa u Montri Khynnah ka MoS Civil Aviation, u Gen. Dr. Vijay Kumar Singh (Rtd.) da wai ki ya ki le tylli ki luti lieñsuiñ kiwa daw pynyabi ya 5 tylli ki sor ka Assam, Arunachal Pradesh, Meghalaya, Manipur wa Mizoram.
U Jyotiraditya M. Scindia da e khublei u ya ki paidbah ka thaaiñ kiwa kattu da yoh laad wow lai cha kiwon kiwon ki bynta ka ri.
Da khana u leh wa ha kini ki 8 snem da em 7 tylli ki Airport wa da pynchna hapoh ka thaaiñ North East wei hapoh ka UDAN Scheme, 14% ki luti lieñsuiñ da e cha ka thaaiñ North East. Hapoh won ka UDAN 4.2, kamwa 18% ki luti lieñsuiñ da e cha ka North East.
Da booh leh ka poisa kawa T. 500 klur neibynta wow pyntikna wa krehkaam ini wei hapoh ka Krishi UDAN, 25 tylli ki Airport da pynchlur wow krehkaam ki hapoh kani ka Scheme.
Chooh chooh u Montri da pynbna u wa hapoh ka International UDAN, ar tylli ki luti lieñsuiñ u wai noh ya ki kiwa daw lai na Agartala-Chittagong (Bangladesh)-Agartala wa Imphal-Mandalay (Myanmar)-Imphal kam chibynynta wow wai ya ka North East wa cha kiwi ki ri.
Kini ki luti lieñsuiñ daw pynkrehkaam da ka Alliance Air deiwa pynemkaam da ki lieñsuiñ ATR72-600 wa ka Dornier Do-228.
Kini ki le tylli ki luti lieñsuiñ kiwa dang pynbna thymme toh na Imphal-Aizawl kawa daw hær 5 sien chi tayaw kawa daw sdang nadooh ka 30 tarik uni u bnai deiwa pynemkaam ya ka lieñsuiñ ATR72-600.
Ka wa ar ka luti lieñsuiñ kawa da pynbna toh Lilabari (Assam) cha Ziro (Arunachal Pradesh) kawa daw hær ar sien chi tayaw deiwa pynemkaam da ka lieñsuiñ Dornier Do-228 kawa daw sdang nadooh myntu ka 30 tarik.
Ka luit lieñsuiñ wa le toh kawa na Shillong cha Lilabari kawa daw hær soo sien chi tayaw nadooh ka 31 tarik uni u bnai deiwa pynemkaam da ka lieñsuiñ ATR72-600.
Ha kani ka yalang wai ya kini ki luti lieñsuiñ da emlang leh u Pema Khandu Chief Minister, Arunachal Pradesh, u N. Biren Singh Chief Minister, Manipur, u Hemanta Biswa Sarma Chief Minister, Assam, u Conrad Sangam, Chief Minister ka Meghalaya (uwa da phah da ka Video Message wa da dep Record chwa), u Kiren Rijiju, Union Minister of Law and Justice wa kiwi ki de ki Minister wa ki MP.
