Kiwa lai luti da ki Bus ka Meghalaya Transport Corporation (MTC) kattu daw ye ki leh ya ka Online Booking yow suk kiwa lai wa wan khamtam kiwa uiñke suwari kiwa da pynbait chwa yei lai luti wei kini man ki kam chibynta ki 5 tylli ki e-Service wa da sdang da ka sorkar Meghalaya ynnin ka sngi.
Ya ki e-Ticket hadien wa su Online daw phah da ki SMS/email lada em iwon iwon i pynkylla hei lai i wan.
Ki 5 tylli ki Online Services kyntup ki ya ka Chief Minister’s Social Assistance Scheme for Persons with Disabilities kawa man neibynta ki bru wa em i duna hei doh i pran deiwa e poisa yarap T. 500 chi bnai cha kiwa da dooh 40% iwa ye i doh i pran ki wow leh wei yeini daw pynkrehkaam da ka chnat Social Welfare.
Da sdang leh ya ka Online Citizen-Centric Service for Ration Card wa pynkrehkaam da ka chnat Food & Civil Supplies yow pynryntih pynbait ya ki Card Rachon hapoh ka Ration Cards Management System (RCMS) yow pyman noh yei saam rachon kam ka Digitally Enabled PDS yow suk kiwa yoh myntoi wow pynkylla ya ka yutip chaphang kiwa hayung hasem, i yoh Aadhaar wa kiwi de kiwa yatoh wa ki Ration Card.
Da sdang leh ya ka National Generic Document Registration System (NGDRS) kawa pynkrehkaam da ka Revenue Department yow Register ya ki kot ki sla ki thaw waka chnat sorkar yow pynskem yei mantre kamjooh yow lait nei chah thok chah chukor.
Da sdang leh ya ka Online Submission of Annual Property Returns neibynta ki sahep sorkar kiwa man kam ki MCS,MPS,MFS,MSS wa kiwi de yow pyntip ki chaphang iwa em ki nadooh ki thaw ki bhaw, ki kari mator, ka poisa wa kiwi de.
