Ka sorkar India hadien wa mih boon i pyrchah ya ka Scheme psiah kreh chipai wa tip kam ka Agnipath Recruitment Scheme yow man kam ki Agniveer neibynta soo snem. Neiliang ka Ministry of Home Affairs, ka sorkar India da ong ko wa kiwa boon ki jylla da pynbna ki wa ki Agniveer hadien wa dep ki chakri 4 snem daw jied ya ki yow psiah kreh pulit.
U Montri yada ri, u Rajnath Singh da monjur u wow booh bhah (Reservation) 10% i kreh hapoh ka chnat Ministry of Defence neibynta ki Agniveer. We kani ka 10% Reservation toh hapoh ka Indian Coast Guard, ki kreh Defence Posts wa ha waroh ki 16 tylli ki Defence Public Sector Undertakings (HAL, BEL, BEML, BDL, GRSE, GSL, HSL, MDL, Midhani, AVNL,AWEIL,MIL,YIL, GIL, IOL, TCL).
Ka sorkar da pynbna ko leh wa da pynku yei snem wa chah yalehkreh (Upper Age Limit) na 21 snem cha 23 snem neibynta i thung kreh yong u snem 2022.
Ka Ministry of Home Affairs da booh bhah ko 10% i kreh hapoh ki Central Armed Police Forces (CAPFs) wa Assam Rifles neibynta ki Agniveer wei neibynta ki thup nyngkong ki Agniveers da pynyinsur yei snem da 5 snem.
Ka Directorate General of Shipping under Ministry of Ports Shipping and Waterways (MoPSW) deilang waka Indian Navy da pynbna ki leh wow suk u psiah ki Agniveer chapoh ka Merchant Navy.
Ka National Institute of Open Schooling da pynbna ko leh wa ya ki Agniveer kiwa da pyndep ya ka Class 10 daw e ya ka Class 12 Pass Certificate deiwa chna ya ka Course wa yatoh wa ki.
Yow ye u pyndep yei lai puræ Degree ya ki Agniveer, ka Ministry of Education da rai ko wow sdang da ka Skill Based Bachelor Degree Programme kawa le snem heiwa ka IGNOU daw leh ko yeini heiwa 50% i sikai u man ko ka Skill Training katwa ka 50% won toh wow e sikai kam ka Economics, History, Political Science, Public Administration, Sociology, Mathematics, Education, Commerce, Tourism, Vocational Studies, Agriculture wa kiwi de.
