Pynbna ka sorkar ya ki kyndon hawa pyndam ya ka Personal Interview neibynta ki kreh Group C

Ka sorkar Meghalaya lyngba ka Personnel & Administrative Department ynne da pynmih ko ya ka Office Memorandum wa da pyndam noh yei pynman Personal Interview neibynta ki kreh Group C (Non-Technical) Post (Pay Level 2 hadooh Level 10) ki kreh sorkar jylla.

Neiliang ka sorkar daw thung ko da ka Committee kawa daw pait kiwon ki Technical Post wa Non-Techincal Post neibynta ka Pay Level 2 hadooh Level 10.

Neibynta ki Group C (Non-Technical) kiwa man ki Post Pay Level 2 hadooh Pay Level 10 u pyndam noh ya ka Personal Interview nadooh ka 1 tarik u January 2027.

Ki Skill Test, ki Typing Test, ki Physical Efficiency Test wa kiwi kiwa sariem kam kini ki Test ki wym toh kiwa hap leh Interview u pteiñ ki kamwa jooh hi.

Heiyatoh won wa manda yoh ki jooh ki Marks hadien wa pynman ya ka Written Exam lane lyngba ki OMR heiwa da em ar ngut lane palat ar ngut kiwa yoh i jooh ki Marks, heiyatoh wa ini daw pynkrehkaam da ka Tie-Breaker Rule kiwa man kamni:

Nyngkong lada yoh i jooh ki Marks daw pait kiwon kiwa heh Marks dooh ka Class-12 Board Exam heiwa kiwa yoh heh dooh daw em ki haneiñ dooh ka Merit List.

Lada jia hadien wa pait ya ki Marks ka Class-12 leh dang neh i jooh, daw pait won ya ki Marks Class-10 wei kiwa yoh heh Marks daw em ki haneiñ dooh ka Merit List.

Related posts

Ye u wan ki bru ka sorkar pyrdi heiyatoh wa i tih mooyong ha Meghalaya: Santa Mary Shylla

September 10, 2026

Dap ki Social Media da ki dur yong ki snem 1980

September 10, 2026

Lada jia biang wa hadien wa pait ya ki Marks Class-12 wa Class-10 leh dang neh i jooh, daw pait noh ya ka sngikha heiwa uwa heh rta daw yoh u wow em haneiñ dooh ka Merit List.

Kani ka Office Memorandum u krehkaam ko hawa khut yalehkreh ka Meghlaya Public Service Commission, ki Departmental Selection Committee, ki District Selection Committee, ka Meghalaya Rural Development Services Recruitment Board, ka Meghalaya Education Recruitment Board, ka Meghalaya Services Recruitment Board wa kiwi de ki Recruitment Agency.

Kani ka Office Memorandum ym krehkaam ko hawa khut yaleh kreh pulit da ka Central Recruitment Board ka Meghalaya Police wei ym krehkaam ko leh neibynta ki yaleh kreh Contractual wa ki Daily Wage.

Kam wow kdaw heini wa ki Personal Interview ya ki kreh Group D toh kiwa da pyndam nadooh ka 1 tarik u October 2025.