Pynbna ka sorkar ya ki tarik tamasa nadooh ka Cherry Blossom hadooh ka Hills Festival

U Montri Rangbah, u Conrad K Sangma ynne da pynbna u wa ka sorkar daw thung ko wa da kiwa chong chnong wow man kam ki ‘Tourist Assistants’ iwa daw leh chibhah chisien. Kini toh kiwa daw sap Uniform wei daw man ki leh kam ki Tour Guides, kiwa e yada wei kiwa kdaw luti wei wow pynyoo luti cha kiwa uiñke suwari.

U Conrad da ong u wa ka thong toh yow man chngaaiñ kiwa wan wei yow tip ki dei tikna yeiwa emkaam ki, wei yeini da ong u ha ka yalang wa da pynman ha State Convention Centre, Shillong ynne ka sngi.

Chooh chooh da ong u wa kani daw wai laad ko wow pynyoh kreh ya ki khynroo khyllood wa em ha ki thaw wa ka’it kiwa uiñke suwari.

U Conrad da klam u leh yeiwa jia ini wadep iwa da ktah ya ki kaam uiñke suwari wei da ban joor u yei emkaam wow ya krehlang yow pynku ya ki kaam ki jaam.

“I da ya krehlang i wa kiwa em ha ki chnong ki thaw kiwa emkti ha ki kaam uiñke suwari yow pynku ya kani ka khih wei ha ki 6 snem wa da lai neiliang ka sorkar da wanrah ko boon ki laad ki luti yow pynpawnaam yei pyrtuid ka Meghalaya”, da ong u Conrad.

Kamtæ da kyntu u ya waroh kiwa emkti ha ini i kaam wow kyntu kynrong ya ini wei ka sorkar hi i thong ko toh wow pynboon yei wan kiwa uiñke suwari wei wow chna ya ki thaw uiñke suwari kiwa rap phær yow sahkynmoo ya kiwa wan chapoh ka jylla.

Related posts

Noh kiwa kreh Municipal yei jhep pyn ha tre dukan u bru wa myllien u noh jhep ha sarok

September 10, 2025

Uyi oo u Balen wa kwah ki khynroo wow yahkhmat ya ka Nepal?

September 10, 2025

Da khana u leh wa da chna pynmiat ya ki Hotel, ki Resort, ki Restaurant wa kiwi de kam ki Skywalk wa ki Museum.

Ha kani ka sngi neiliang u Conrad K Sangma deilang wa u Montri ka chnat Tourism, u Paul Lyngdoh da pynlait paidbah ki leh ya ka Autumn Tourism Calendar heiwa ya ka Shillong Literary Festival daw pynman ha ka Nov 12-14, ka Shillong Cherry Blossom Festival ha ka Nov 15-16, ka Me’gong Festival ha ka Nov 29-30, The Hills Festival ha Dec 6-7, Bryan Adams India Tour ha Dec 10 waka Winter Tales ha Dec 12-14 deilang wa kiwi de.

Da khana leh wa ha uni u snem, u ya krehlang (Official Partnership) wa ka ri Japan neibynta ka Shillong Cherry Blossom wei kam chibynta ini daw booh leh ya ka Japan Zone yow pynyoo rong ya ka dustur riti ka Japan.