Ka Sports Ministry da pynkhreh wow booh yaka Khelo India Centre of Excellence (KISCE) ha Meghalaya wa sa ha 5 tylli ki jylla hapoh ka Khelo India Scheme. Nalor ka Meghalaya, kiwi ki jylla toh ka Dadra & Nagar Haveli and Daman & Diu, Maharashtra, Madhya Pradesh, Assam wa Sikkim kam ka bynta wa ar kani ka Scheme.
Hawa klam hajrong ini i rai wow booh yaki KISCE, u Union Minister of Youth Affairs & Sports u Kiren Rijiju da ong u, “Kini ki 6 tylli ki Khelo India State Center of Excellence wa dang thymme toh yow pynkhlan yei pynkhreh ya kiwa yalehke ka ri yow poi cha ka thong wow leh bha haka Olympics ha ki snem wow wan. U pyntikna i wa kini ki thaw u man ki katkam ka juk wa katni yow ye kiwa yalehke wow yakob ha ki kyndan wa ha khlieh dooh.”
Ha uni u snem, ka Ministry da dep jied ko yaki 8 tylli ki jylla wow booh ya kini ki KISCE wa kynthup yaka Karnataka, Odisha, Kerala, Telengana, Arunachal Pradesh, Manipur, Mizoram wa Nagaland haka bynta wa nyngkong.
Ki 6 tylli ki KISCE wa dang thymme man ki kamni ha wah:
Assam– State Sports Academy, Sarjusajai Sports Complex, Guwahati
Dadra & Nagar Haveli and Daman & Diu– New Sports Complex, Silvassa
Maharashtra– Sree Shiv Chhatrapati Shivaji Sports Complex, Balewadi, Pune
Madhya Pradesh– MP Academy, Bhopal
Meghalaya– JNS Complex, Shillong
Sikkim– Paljor Stadium, Gangtok
