Pynbna kyndon ka Panaliar heiyatoh wa ka Election MDC 2019

Jowai: Ka Dorbar Chnong Panaliar, Jowai da pynbna ko ya ki kyndon heiyatoh waka Election MDC 2019 cha ka JHADC yow man ko kawa khooid wa kawa lai bait wei ya kini ki kyndon da pyntip leh cha u DC ka WJH District.

Ka chnong da khang ko ya kiwon kiwon wow saam poisa hapoh u pood u ang ka chnong wei lada chem ya kam kini daw pynchitom ya ki katkam ki aiñ ki kyndong ka chnong wei daw e kti ya ki leh cha ki bor sorkar.

Ym chah leh wow pynriam ya ka rynsan kamjooh ka Yungwalieh ha ki por wa pynman yalang paidbah (Public Meeting) wei ym chah leh ya kiwon kiwon ki kyrtong næ ki Unit ki seiñ saiñ pyrthai wow e cha ha kini ki yalang.

Ya kiwon kiwon ki yalang paidbah yong ki kyrtong hapoh Yungwalieh u pynlai da u Waheh Chnong lane da u Assistant Waheh Chnong. Wei ya ki yalang ym chah u pynman palat yei por 10:00 waje i miet.

Related posts

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

Dang jan u lai na Shillong cha Vietnam, Thailand, Laos, Cambodia wa Burma bar cha Delhi: Conrad

November 14, 2024

Du uwi donhi uwa kyrchaan ya u kyrtong wa ye u klam chwa wow klam u kyrtong. U kyrtong ye u wow yah du 12 ngut kiwa bood ya oo kiwa na baar ka chnong Panaliar wei u chah du ar tyilli ki kari khian wow psiah chapoh ka chnong. Wei lada leh pyrchah ya ini daw pynsangeh chisyndon ya ka yalang.

Ka chnong da khang pyrchah ya kiwon kiwon ki khon yong ka wow klam ha ki yalang paidbah yong ki kyrtong wa pynman hapoh Yungwalieh yong ka chnong.

Waroh ki khon ka chnong Panaliar (Official/Non-officials) ye ki wow chimbynta ha ki yalang paidbah wa pynman da ki kyrtong cha baar ka chnong tangwa ym ye ki wow klam ya kiwon kiwon ki kaam ka chnong wei lada em kiwa pyrchah, daw pynchitom katkam ki aiñ chnong.

Kiwon kiwon ki kyrtong kiwa pynman ya ka yalang paidbah cha ki chnong wa cha jan ka chnong Panaliar, ym chah ya ki wow pynyeiñ kari ki chapoh pood u ang ka chnong Panaliar.

Kiwon kiwon ki kari yong kiwa kyrchaan ya ki kyrtong ym toh u pynheh sur næ ki rwai wa tem ki hapoh kari yong ki, ha ki por wa em ka yalang næ heipor wym em ka yalang leh.

Ha ka sngi thap Vote, da khang pyrchah ya kiwon kiwon ki bru, ki tre chnong næ ki wym toh ki tre chnong kamjooh wow yalang næ wow yeiñ ki chajan ka Polling Station hapoh 100 Meter wa em ka Polling Station.

Kini ki kyndon wa da booh ka chnong toh neibynta ka chongsuk chongsaiñ, ka bha ka miat wei ka khooid ka suba; khlem da leh chiliang ya kiwon kiwon ki kyrtong kamtæ da kyrpaad ya waroh wow krehlang .

Ini toh katkam wa pyntip u waheh chnong ka Panaliar u Riquoma Rq. Laloo.