15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Pynbna kyndon ka sorkar wow leh manda wan kiwa na Containment Area yow phah sumaar

Advertisement ad1
Advertisement ad1

Ka sorkar Meghalaya lyngba ka chnat Health & Family Welfare da pyntip ko wa da em iwa jia wa da em kiwa wan phah sumaar kiwa wan na ki thaw wa man kam ki Containment Area wa da dooh thaw thiah ki neidaw wa duna thaw thiah ha ki Isolation Ward kiwa da booh kyrpang ya kiwa suba yoh COVID-19.

Heiyatoh wa ini, neiliang ka sorkar phah ko yaki Hospital wym toh u kyntait ya kiwa wan phah sumaar. Wei kam chibynta wow yada heipor wa em kiwa wan naki thaw wa man kam ki Containment Area wa kiwa ym toh ki Containment Area wow leh ya kini ha wah:

Advertisement ad1
Advertisement ad1
  1. Waroh ki Hospital toh u kylli ki ya i lai i wan (Travel History), yaki bru wa yachem ki lada em ki yei chitom wa yoh COVID-19.
  • Lada kiwa wan chah sumaar man ki kiwa ym em hei maa (Low-Risk) kiwa ym em ki dak ki chin wa chitom ki, toh u e thaw thiah yaki syndon.
  • Ya kitu kiwa em hei maa, toh u leh yaka Rapid Antigen Test, deiwa bood leh yaki kyndon wa da dep pynbna, wei toh u booh ki samen hapoh ki Isolation Ward, ki thaw wa toh u booh ya kiwa suba wa yoh COVID-19 hadooh wa yoh yaka Test Result.
  1. Yow lait nei duna ki thaw thiah, ki Hospital toh u pynheh ki yaki Isolation Ward yow ye u booh yaki bru kamjooh wow pynbiang yaki thaw thiah wa chipor.
  2. Lada ki Hospital ym ye ki wow e thaw thiah neidaw wa duna thaw thiah, toh u yarap ki wow thooh thaw cha kiwi ki Hospital wei ye ki leh wow yaklam wa u DHS (MI).
  3. Ki Hospital toh u pynemkaam ki yaka Hospital Management System (HMS) Portal (https://app.hmsmegha.co.in) wa da chna daka Department of Health & Family Welfare yow tip heiwon wa lait thaw thiah ha kiwon ki Hospital. U Mission Director, National Health Mission, Meghalaya ([email protected]) toh u e yarap u wow e sikai wow pynemkaam ya kani ka HMS Portal ha ki Hospital.
  4. Ki Hospital toh u e yutip ki man-ka-sngi yeiwa lait ki Isolation Ward cha ki IDSP yow ye ki wow pynbait yei kaam.
Share this:
Previous

Sñiawkhia ka Assembly Committee on Environment yei joor mih tdem naki Cement Plant ha Jaiñtia Hills

Next

127 ngut kiwa dang yoh COVID-19 ha Nagaland iwa boon dooh haka chi sngi