15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Sñiawkhia ka Assembly Committee on Environment yei joor mih tdem naki Cement Plant ha Jaiñtia Hills

Advertisement ad1
Advertisement ad1

Ka Assembly Committee on Environment ka sorkar jylla, ynne da yaklam ko yei tngit ka la-ær nei tdem wa mih naki Cement Plant wa em ha ri-loom Jaiñtia deiwa pyntip leh waka State Pollution Control Board da yasait ko yeini deiwa ong wa joor i mih tdem na kini ki Cement Plant toh wa neidaw wa da khang yaki da boon bnai neidaw ka Lockdown wei manda sdang biang yaki kor kamjooh wow thang biang yaki tyndur jooh boon i mih tdem bar ya nachwa.

Da pyntip leh cha ka Committee wa ki kor wa em ha Jaintia Cement Latyrke toh kiwa da rim kamtæ joor i mih tdem.

Advertisement ad1
Advertisement ad1

“Ka Committee da tyrwa ko wa ka Central wa State Pollution Control Board toh u lai ki cha kini ki karkhana yow e buit yaki kammon wow leh yow duna i mih tdem,” da ong u Himalaya Shangpliang u dkhot kani ka Committee uwa man leh u MLA ka Mawsynram.

Heiyatoh won waka Draft Environmental Impact Assessment, 2020, ka Committee da pynsñiaw ko yei sñiawkhia yei pynduna yei e por yaki paidbah wow pynsñiaw deiwa pynduna naka 45 sngi cha ka 20 sngi.

“Kani toh ka kaam wa khia wei ka Committee da mynjur ko waka sorkar toh u yieñ ko yow pynsñiaw cha ka sorkar pyrdi hajrong ini,” da ong u dkhot ka Committee.

“Ka Committee hei sñiaw yong ka wa ka yaki thaw wa haap hapoh ka Sixth Schedule toh u booh i yong ki i bhah ha kani ka Draft,” da ong u Shangpliang.

Ka Committee da pynsñiaw ko wa heiyatoh waki mar pohkhyndaw wa tip kam ki Minor Mineral toh u pyrkhat bha neidaw boon ki bru wa em cha nongkyndong em ki hei kaam wow tih moo tih chyiap.

Ka Committee da pynsñiaw ko leh yei sñiawkhia yei noh roi yaki tiar sumaar bru da ki Hospital khamtam ha kini ki por wa em ka khlam COVID-19.

Ka Committee da pyntip cha ka wa ya kini ki tiar da thang ha thaw thang bru wa em ha Jhalupara.

Ka sorkar da pyntip ko wa em 3 tylli ki thaw thang kiwa daw booh ha Shillong, Tura wa Jowai.

Ka Committee da pynsñiaw ko leh yei sñiawkhia yei chah ah ki dieñ ha thaaiñ Sangmein ha Upper Shillong yow pynheh sarok yow lai cha Shillong Peak.

Katkam i ong ka Committee, ka PWD ym em chimbor ko naka Forest Department chwa wow ah ya 12 tylli ki dieñ.

U MLA ka Umroi u George Lyngdoh da ong u wa ka sorkar toh u wanrah ko yaka Policy yow yada ya kam kini ki khloo.

Share this:
Previous

Da phah khang ya 8 tylli ki Coke Factory ha West Khasi Hills

Next

Pynbna kyndon ka sorkar wow leh manda wan kiwa na Containment Area yow phah sumaar