Hadien wa ka World Health Organisation (WHO) ha ka 14 tarik uni u bnai da pynbna ko yei poor u khñiang Monkeypox kam ka Public Health Emergency of International Concern (PHEIC), neiliang ka chnat Health & Family Welfare ka Meghalaya da pynmih ko ya ki kyndon wa hap wow bood kiwa man kamni.
Lada ha kini ki 21 sngi wan phi na ki ri wa da em kiwa yoh kamjooh kiwa suba wa yoh Monkeypox, wei lada iñdoh, la sñiaw tlot wei mih kha ha i doh i pran, toh u pyntip wut-wut deiwa Phone ha u 14410 næ ha u 108 yow ye u e sumaar deiwa smat wei deiwa biang.
Hadooh ka 18 tarik uni u bnai kiwa yoh Monkeypox kiwa boon toh ki ri wa em ha Africa kam ka South Africa, Kenya, Rwanda, Uganda, Democratic Republic of Congo, Burundi, Central Arfican Republic, Congo Brazzaville, Cameroon, Nigeria, Ivory Coast neitæ won kawi ka ri wa em ha Middle East, ka UAE.
Ha India iwa khaddooh dooh wa em wa yoh Monkeypox toh ha Kerala ha u Wisu (Mar) 2024 heiwa uni u bru toh uwa da wan na baar ri. Tangwa hadien wa pynbna ka WHO ya u Monkeypox kam u PHEIC da hap wow pynkhreh ya ki laad yada wei wow pynkhlan leh yei rukom pynkhreh.
Ka sorkar da kyntu ko ya ki paidbah wym toh u hær rngu ki wei wow ngait leh du ya iwa da pynbna da ka sorkar.
Discussion about this post