Ka Dorbar Elaka yong ka Elaka Raliang kawa da pynman ha ka 24 tarik uni u bnai ha Dorbar Hall ka chnong Raliang, da emlang ki waheh chnong, ki waheh wasian wa ki khynroo na ki chnong wa em hapoh ka Elaka.
Ya kani ka Dorbar da pynlai da u Dolloi, u C. Lyngdoh uwa man leh u Chairman yong ka Dorbar Elaka. Ha kani ka Dorbar da rai kamni ha wah:
Ka Dorbar Elaka da rai ko wow khang pyrchah ha waroh kawi ka Elaka wa ymhoi wow thang loom thang khloo neibhah pyndoohjait ko ya ki dieñ wa ki mrad wa im ha ki.
Ym chah wow siat namo tynyap ya ki sim ki doh wa ki mrad khloo waroh.
Da rai wow kreh wa ka chnat Forest khnang wow kdoh u khoom ya kiwa tyngkheiñ ya kini ki kyndon.
Heiyatoh won wa i chongsuk hapoh ka Elaka, khamtam heipor Election, neiliang ka Dorbar Elaka da chim ko ya i rai kamni ha wah:
Da khang pyrchah ya ki kyrtong wa yaleh Election (MDC/MLA/MP) wow wan yalap Election cha waroh ki chnong hapoh ka Elaka palat ya 4 tylli ki kari khian kamwa da e bor ka Election Commission, lait noh ha ka lai Rally.
Da khang pyrchah ya ki kyrtong wa ymtoh wow e ja wa kiwon kiwon ki mar pynmuaid lait na ka cha ya ki paidbah heipor wa wan yalap Election.
Wow pynskem ya kini ki rai wa da chim ka Dorbar Elaka, da kyrpaad wei phah ko ya ki Dorbar Chnong wow pynbna chnong chisiendon ya ki rai ka Dorbar Elaka wei wow kreh chirup wow myntoi ka Elaka waroh kawi.
Kani toh katkam ka Wyrta na u Rikut N Parien uwa man u Secretary Dorbar Elaka Raliang.
Discussion about this post