Ka Indian National Congress Party, ynne lyngba ka Central Election Committee da mynjur ko sa san ngut ki kyrtong neibynta ka Election MLA 2023 ha Meghalaya.
Na 6-Khliehriat Constituency da pynbna yei pyrtuid ka Jhanika Siangshai, na 7-Amlarem Constituency da pynbna yei pyrtuid u Arbiangkam Khar Sohmat, na 37-Kharkutta Constituency da pynbna yei pyrtuid u Chireng Peter R. Marak, na 39-Resubelpara Constituency da pynbna yei pyrtuid u Dr. Tweel K. Marak katwa na Rajabala da pynbna yei pyrtuid ka Carla R. Sangma.
Da ini mut wa ka Congress u pynyieñ kyrtong ko na waroh 60 tylli ki Constituency ka jylla.
Ini wa dep neiliang u President ka Congress hapoh ka jylla, u Vincent Pala da ong u wa ye wow pyndam u booh kyrtong ha Amlarem wa Khliehriat neidaw wa joor ka poisa.
Puræ leh: Wa joor ka poisa ha Khliehriat wa ha Amlarem Constituency ye u dam yakhun ka Congress: Vincent
