Ka Bharatiya Janata Party (BJP) da pynbna ko ya ki kyrtong kiwa daw yakhun Election MLA ha Manipur kawa daw pynman uni u bnai wa ar.
Ka BJP kawa da em hei synchaar katni da rai ko wow lai samen ha kani ka kynti deiwa pynyieñ kyrtong ha waroh 60 tylli ki Constituency.
Ka Party hawa pynbna ya ki kyrtong ynne ka sngi da pynyieñ ko ya u Chief Minister wa katni ua N Biren Singh naka Constituency wa jooh yaleh hi u katæ ka Heingang Constituency.
U Union Minister, Bhupender Yadav hawa klam ynne ka sngi hawa pynbna ya ki kyrtong da sñiawskem u wa ka BJP kawa da em hei bor katni daw chna biang ko ya ka sorkar deiwa yoh ya ki MLA yow chna sorkar da samen.
Ka Manipur Congress ha ka 22 tarik uni u bnai da pynbna ko ya ka thup wa nyngkong yong ki 40 ngut ki kyrtong wa da jied da ka Central Election Committee yow yakhun ha kani ka MLA Election.
Ka Congress da kular ko leh wow pyndam ya ka aiñ AFSPA lada wan hei bor ha uni u snem.
Ha ka 25 tarik neiliang ka National People’s Party (NPP) da dep pynbna ko leh yei pyrtuid ki 20 ngut ki kyrtong ha ka thup wa nyngkong.
