theme-sticky-logo-alt
theme-logo-alt
Advertisement ad1
Advertisement ad1

Pynbna u Conrad T. 13 klur neibynta ki kaam uiñke suwari ka Nongkhnum

Advertisement ad1
Advertisement ad1

U Montri Rangbah ka jylla, u Conrad K. Sangma ynne da pynbna u ya ka song poisa wa T. 13 klur wow pynku ya i kaam uiñke suwari ha Nongkhnum, West Khasi Hills ya kawa tip leh kam ka River Island kawa ar hei heh hapoh Asia hadien ka Majuli, Assam.

U Conrad da lai u cha Nongstoiñ heiwa da yachem u ya ki seiñ ki warep namo ki Producer Groups (PGs) ya kiwa da sdang hapoh ka Farmers’ Collectivization for Upscaling of Production and Marketing Systems (FOCUS) ka sorkar jylla. 

Advertisement ad1

Hawa yaklam wa ki warep u Conrad da pyntip u wa ka sorkar da booh ko T. 200 klur neibynta ki warep ha ka jylla wei ka sorkar kwah ko wow tip yei eh i khoo yong ki wei kammon ki Scheme u e ya ki wow yarap ya ki. 

Da ong u wa ka FOCUS toh ka thong kreh ka sorkar wow pyntikna ko wa ki warep ye ki u pynboon ya ki mar rep yong ki wei kammon u ye ki wow pynlai ya kini ki mar rep. 

Chooh chooh da pyntip u wa ka Greater Nongstoin Water Supply Scheme leh da jan pyndep ya ka. 

Lyngba kani ka thong, ka Meghalaya Basin Management Authority (MBMA) kawa pynkrehkaam ya ka, da jied ko ya ki mar wa ki thaw katkam ka Value Chain Analysis yong ki mar nadooh ki warep deiwa sdang ya ki Producer Groups (PGs), wow esikai ya ki warep wei da pynchlur chooh chooh ya ki wow sdang ya ki Cooperative Society wa ki Farmer Producer Organizations (FPOs). 

Ha kawi pa kawi ka PG da yoh ki dkhot mar T. 5,000 samen iwa kynjoh T. 50,000 hadooh T. 1,00,000 kawi ka PG iwa chong won hei em dkhot ki hapoh ka PG.

Ha West Khasi Hills District, da sdang ya ka Producer Groups ha u Wisu (Mar) uni u snem ha Mawshynrut Block neitæ na u Naiynñiaw ha Nongstoin Block wei da em 183 tylli ki PG. Ki mar rep wa da rep kynthup ki ya u syiñ, ki jhoor ki soh, saroo wa kiwi kiwi. 

U Conrad wa u MLA ka thaaiñ, u Macmillan Byrsat da ekti ki ya ki Cheque cha ki PG kiwa da em 36 tylli kiwa yoh yarap na ka FOCUS Program iwa kynjoh T. 21,95,000. 

Ha kani ka sngi u Conrad da lai pait u leh ya u sarok Nongstoin-Wahkaji wa Nongstoin-Nongkhnum heiwa da pynbna u wa daw pynchna ya uni u sarok hei dor wa T. 302 klur hapoh ka SARDP-NE heiwa da phah ya u Contractor wow sdang kreh noh chisyndon. 

Share this:
Previous

Jop ka Umstain waka Wahiajer ha ka Elaka Narpuh Football Tournament Champions 2021

Next

Jop ka Phramer SC waka Tia Chaphrang ha Nartiang