U James PK Sangma, Montri ka chnat Taxation ka sorkar jylla ynne ka sngi da pynbna u wa ka sorkar u pyndam noh ko ya ka aiñ yakhle namo ka Meghalaya Regulation of Gaming Act, 2021.
Da ong u wa ynnin u snem kam chibynta i thmu wow pynku yei yoh dan ka sorkar wei wow pynyoh kreh ya ki khynroo da wanrah ya kani ka aiñ yow booh da ki kyndon hawa pynman yei yakhle wei da pyrkhat wa lada booh ya ki Casino daw man ko du ya kiwa wan uiñke suwari.
Ha ki bnai wa bood da yachem u wa kiwa boon ki seiñ nadooh ki seiñ niam, ki seiñ ka imlang sahlang, ki dorbar chnong, ki seiñ khynroo yow sñiaw yeiwa artatien wei yeiwa khuslai ki heiwa kammon kani ka aiñ u ktah ko.
Kamtæ da ong u wa hadien kini ki yaklam, ki yachem da sñiawthooh wa neibynta i bha i miat yong waroh, neiliang yong oo u pyntikna u wa daw pyndam noh ya kani ka aiñ.
Da e khublei u ya waroh kiwa da wan chakhmat kiwa da pynsñiaw, kiwa da e buit yow pynkhlan ya ka synchaar ka sorkar manda yaklam deiwa ya sñiawthooh.
