U Kyrchan Dkhar uwa na ka chnong Cham Cham, East Jaiñtia Hills District ynne ka sngi da pynbna paidbah u wow yakhun yaka Election MDC cha ka JHADC ha uni u snem naka 21-Tuber Wapung Shnong Constituency.
I chim yong oo ya kani ka rai toh wa lyngba i kyrchaan wa yoh naka yung ka sem kamjooh ki bru waheh ka Constituency.
Hajrong i slem yong oo wow pynbna, ong u toh wa em ki daw wym ye u kiar, kamtæ kyntu u yaki paaid ka Constituency wym toh u dooh kyrmen neibhah wa i por dang biang yaki wow pyrkhat.
Heijooh i por ong u wa lada em i lait i let yong oo leh ymtoh u thaw tangwa kyrpaad u yaki wow wan yachem yumut kylliang neibynta i bha i miat, lane ye ki leh u Phone oo ha uni u Number-9366969285.
Heiyatoh waka Ticket khana u wa dadep paan u naka BJP, wei lym yoh Ticket leh da rai u wow lai bait chakhmat neibynta kani ka kaam kawa da angnood u, deiwa khut leh i kyrchaan naki paidbah khnang yow poi chaka thong i jop wei yow ye u wow leh yeiwa thrang wa angnood u neibynta ka Constituency.
Chooh chooh ong u, hei lai luti yong oo daw pyrchang u katwa ye wow lai yachem wa ki khon ka Constituency wei boi lada em ki wym yohlaad u wow yachem leh ymtoh u sñiawpher ki.
Discussion about this post