15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Pynbna u Modi wow pynku ya ka nongsngi ki ASHA wa Anganwadi

0 Comments

Jowai: U montri rangbhadooh ka ri, u Narendra Modi, da pynbna u wa da pynku ya ka nongsngi (Remuneration) ya kiwa kreh ASHA wa Anganwadi ka wow krehkaam nadooh u snem wow wan, yeini da leh ha ka yalang Video Conferencing wa waroh kiwa kreh ASHA, Anganwadi wa ANM ynne ka sngi.

Da pynbna u leh wow pynku archah ya ka nongsngi lyngba ka sorkar pyrdi ya ki ASHA, kamjooh ya kiwa yarap ya ki daw yoh ki ya ka Free Insurance hapoh ka Pradhan Mantri Jeevan Jyoti Bima Yojana wa ka Prime Minister Suraksha Bima Yojana.

Kiwa kreh wa jooh yoh T. 3000 u yoh noh ki T. 4500, kiwa yoh T. 2200, kattu u yoh noh ki T. 3500. Ka nongsngi ya kiwa yarap ya ki Anganwadi da pynku na ka T. 1500 cha ka T. 2250.

U Modi da pynbna u leh wa ki Anganwadi wa kiwa yarap ya ki kiwa pynemkaam ya ka Common Application Software (ICDS-CAS), daw yoh ki ya sa ka nong (Additional Incentive) na ka T. 250 cha ka T. 500.

Ha kani ka phyllu da yaklam wa ki ASHA, Anganwadi wa ANM (Auxiliary Nurse Midwife) ha kylleiñ ka ri. Da e yaroh leh ya ki yei yatylli ki wow pynemkaam ya ki stat ka juk wa katni wa kiwi kiwi.

Previous
Next

0 Comments

Leave a Reply