U Montri Rangbah ka Assam, u Himanta Biswa Sarma da lai pait u ya ki pulit ka jylla kiwa da mynsoo ha i yasiat wa ki pulit ka Mizoram wei da lai booh syntu u leh ya ki 5 ngut ki pulit ha Silchar kiwa da khlaad ha ini i jia.
Ynne ka sngi da pynbna u leh wow e yarap poisa T. 50 lak cha kiwa ha yung ki pulit wa khlaad, wei daw e kreh leh ya uwi na kiwa hayung kiwa khlaad wa T. 1 lak cha kitu kiwa mynsoo.
Ya kitu won ki pulit kiwa da booh wow sonteri ya u pood wa ka Mizoram daw e tulop pyntam ya ki chi bnai.
Da pynbna u leh wa daw pynkha 3 tylli ki Commando Battalion ya ka Karimganj, Cachar wa Hailakandi deiwa thung kreh ya 3000 ngut ki pulit thymme. Wei daw phah leh 4000 ngut ki Commando yow yada ya ka Reserve Forest tymbud u pood.
Da ong u leh wa daw yaleh mukotduma ha ka Supreme Court yow tuklar ko yow lait u dooh chi inchi leh ka Reserve Forest wa da psiah ka Mizoram.
