Ka Congress da pynbna ko wow pynjoor yei yakhih pyrchah ya ka sorkar u Modi neidaw wym bien ko wow chimkhia ya ka NEET wei daw pynman yakhih ha kylleiñ ka ri ha kani ka 21 tarik yow dawa yei hok kitu kiwa chah ktah nei wym biang pynman ya kani ka Entrance Exam deiwa chah pynbaad leh wa lait tooh ki Question Paper.
U Congress General Secretary (Organisation), u K C Venugopal da thoh u cha waroh ki State President wa ki heh ki Legislature Party deilang wa kiwi wow chimbynta ha ki yakhih deiwa pynman ha ki nongbah ki jylla.
Kani ka yakhih da pynman ka leh chwa wow sdang ya ka dorbar wa nyngkong ka Lok Sabha kawa katni kawa daw pynman nadooh ka 24 tarik.
Ka Congress da ong ko wa da em boon i wym yoo tikna yei rukom yoh Marks da kiwa rap heh khlem da khana yei daw najrong wa em boon i thut hawa pynman ya kani ka Exam wei da yoo yeini khamtam ha ki jylla wa synchaar da ka BJP ha Bihar, Gujarat wa Haryana heiwa da em leh kiwa chah kem wa chah pynbaad wa leh tooh ki.
U Rahul Gandhi da kylli u leh ya u Modi yei daw wa suki hi-eh u chaphang ini i kaam iwa daw ktah ya ka mynried ki 24 lak ngut kiwa yaleh ya ka NEET.
Discussion about this post