Ka North East Students’ Organisation (NESO) da pynsñiaw ko yei sñiawkhia yei long i man ha ka jylla Manipur kattu la 6 bnai heiwa hadooh katni leh ym pu yoo wa da ye wow wanrah biang yei suk i saaiñ wei yeini da kdaw kti ka seiñ yei tlot ka sorkar India wow leh yeiwa emkaam hadooh wa da booh hei maa yei mynsien bru, ki yung ki sem khamtam ka mynried yong kiwa dang lai puræ.
Neiliang ka seiñ ha ka yalang ka Executive Council wa da pynman ha ka 31-10-23 ha Guwahati da rai wow pynman yakhih ha waroh ki nongbah ki jylla ka thaaiñ North East haka 9 tarik uni u bnai.
Kani ka yakhih toh yow pynyoo yei pyrchah yei tlot ka sorkar wow pynbait ya ini i kaam la 6 bnai heiwa ki kaam pynmynsoo wei chah pynyap bru dang pteiñ bait ki.
Kamtæ i dawa naka sorkar toh wow wai ko yei khmat wei wow thooh laad kammon wow wanrah yei suk deiwa pyrkhat yei sñiaw wei yei emkaam yong waroh kiwa chah ktah.
Discussion about this post