Jowai : Ka Officer’s Club West Jaiñtia Hills ynne ka 25 tarik da pyman ki ya ka Blood Donation Camp Cum Awareness Programme ynne ka sngi haka Blood Bank wa em ha Panaliar, Jowai.
Ha chwa u sdang i e snaam sñiawbha chaka Blood Bank da em ka yalang yow pyntip cha waroh wa emlang yei emkaam u e snaam yow yarap ya kiwa boon kiwa chitom hei kjut kamjooh kiwa chem ya ki accident wa boon, wei kamjooh leh ya kiwa boon jait ki bru wa e snaam dei dor neibhah katkam ka aiñ kiwa e snaam daka poisa toh kiwa da khang ka aiñ.
Tangwa ym em ki sahep kiwa man leh ki dkhot ka Officers Club wa embynta ynne ka sngi haka yalang lait na u Commandant ka Home Guards, kiwa sikai ka Thomas Jones Synod College wa ki khynnah puræ kani ka College.
Ha kani ka sngi da sakhi wa em du ki bru ka Home Guard waki khynnah ka Thomas Jones College wa wan cha khmat yow tyrwa snaam.
Hadooh wa kut kani ka Blood Donation wa pynman ka Officer’s Club da wan du u SP ka West Jaiñtia Hills u R. Muthu tangwa ym em ye u u e snaam neidaw ka Low ka Blood Pressure u.
Hawa kut ka sngi da yoh snaam na 5 ngut kiwa kreh Home Guard wa arngut na ki khynnah puræ ka Thomas Jones Synod College kiwa da yoh u e snaam.
Discussion about this post