Jowai : Ka Jaiñtia Students’ Union (JSU) hapoh i yakhmat u President,
ka seiñ u ma Rikut Parien da lai yachem ko wa u CEM ka JHADC u ma thombor Shiwat hajrong ka yurim wow dawa naka Council wow e yaka Non Encumbrance Certificate cha ki paidbah, neibhah waroh chi kattu da e ya kani ka Certificate daka Ophis u Deputy Commissioner lyngba ka Registration Department heiwa ki paidbah yachem ki i eh i khoo heini.
“Ki paidbah kiwa kwah wow yoh ya kani ka Certificate toh u Register chwa ki yei thaw yongki ha kani ka tnat hapoh Office u DC wei man ko leh ka kaam kawa sy’at bha iwa pynchitom yaki padbah khamtam hawa kwah ki wow chim ram naki Bank waphær waphær yow bynda dei thaw yongki” da ong u ma Rikut Parein.
Kamtæ neiliang ka JSU hadien wada yoh ko yei ujor naki paidbah wei hadien wada chong pyrkhat bha da sniawtoh ko wow dawa naka Jaiñtia Hills Autonomous District Council (JHADC) watoh wow e ya kani ka Certificate cha ki bru kiwa emkaam wa kiwa em yaka Land Holding Certificate yong ka Council.
“Lada ka JHADC em hok ko wow e yaka Land Holding Certificate tæ ka leh em hok ko u e yaka Encumbrance Certificate neibhah wa ka man ko kawa pait ya u khyndaw u chyiap” da pynrap u ma Pareiñ.
Neiliang u CEM leh da ngait u yeini iwa man leh i bynta ka Council wow e ya
kani ka Certificate wei da kular u leh yaka seiñ wa ka Executive Committee daw chong pyrkhat ko yeini haka 1 Naiynru (June).
Discussion about this post