Pynche ka Dorbar Chnong Mynsngat heiyatoh wa ka RTI wa ka FIR wa ujor baam tooh ya ka poisa Swachh Bharat

Hadien wa mih ka khubor wa ujor yei pynemkaam bakla ya ka Scheme Swachh Bharat Mission wa i ujor cha ka MHRC, neiliang ka Dorbar Chnong Mynsngat da mih paidbah ko wow pynche wei wow kyntait yeini i pynbaad da ki kattu katni hapoh i yahkhmat u Phremsi Suting.

Neiliang u Waheh Chnong, u Pham Pakma da ong u wa neiliang ka chnong da sñiawkhia ko yeini i chah pynbaad neibhah kam kiwa yahkhmat ka chnong yaleh ki wow thooh ya ki Scheme wow myntoi ki paidbah ka chnong waroh kawi.

U waheh chnong da kyntu u ya ki wym pu em yoh ya ka Scheme wow man kiwa yaichah wei ymtoh u chah yahbakla ki neibhah ha kiwi ki chnong leh em i yaichah ki paidbah yong ki, wei ya ka chnong manda mih ka khubor kamni man ko kawa sñiaw sarom bha.

U Secretary Chnong ka Mynsngat, u Phonelang Surong da ong u wa hapyrdi wa pynche ya kani ka Scheme ha ka Dorbar Pyllun, ki paidbah ympu em hi u che ki ka, wei da emkaam u pynche ya ka khubor wa pynmih da u Phresmi wa u P. Sumer ha ka 25 tarik u Naichiphaw 2025.

Related posts

Jop suk kiwi ha Nongkrem wa yaleh pyrchah ka NPP ya u Lambor ha u 2023: Prestone

November 13, 2025

Pynchlur u Conrad wow yaleh RTI ha ki Constituency ki MLA ka Liang Pyrchah yow chem lada pynkrehkaam kaam hok ki ya ki Scheme

November 13, 2025

Da ong u wa hadien wa ujor FIR ha Nartiang Police Station, da lai paan pynche ki na ka PHE, na yung krehkaam u DC wa na Block Office wow thooh yeiwa che wei lada u Phresmi wa u P. Sumer toh kiwa maya ya ka chnong wa sahteiñ ki Scheme sorkar hei sakhiat toh u krehlang ki wa ka chnong deiwa paan RTI tangwa da booh ki da ka FIR iwa mut wow pynkem ya u Chairman ka VWSC uwa man leh u waheh chnong ka Mynsngat iwa da pynsñiawsih bha ya ki neibhah wa da pynbaad wa ka PHE wa u Chairman da baam ki ya ka poisa wa Rs. 11 lak tam.

Chooh chooh da ong u wa da klam che ha ka dorbar ya kiwa yoh ya ka Work Order nadooh ka 24 tarik u November 2024 heiwa da mynjur wow krehlang heiyatoh wa ini i kaam tangwa ymtip neiyi i daw wa kyrngah won ki wow lai cha Office du hadien wa pynthymme ya kiwa kitkaam chnong.

Ha ka 27 tarik u Naichiphaw 2025 ka chnong da lai ko cha PHE (RWS Division) Jowai heiwa da kylli ya ka tarik wa da paan RTI u Phresmi, heiwa da chem wa da paan u ya ka RTI neibynta u snem 2018-19 heipor wa man waheh chnong u Linus Phrangki Phawa wei da lai paan RTI biang u ya u snem 2024-25 heiwa da paan u ya ka Work Order donhi wei da kylli u leh ya i pynlait poisa heiwa ha ka bynta wa nyngkong ki paidbah toh u yoh chwa ki 60% katkam ka First Installment cha kiwa yoh myntoi.

Neiliang ka chnong da kylli ko na ka PHE lada pynlait poisa næ ympu em cha kiwa yoh myntoi na kani ka Scheme heiwa ka Office da pynche ko wa ympu em pynlait ya ka poisa weiwa ya ka poisa u poi bait cha ka Account kiwa toh u yoh myntoi na kani ka Scheme neibhah heipor wa Submit ya ka Scheme da e ya ka EPIC, Account Number wa ka Phone Number katkam ka juk wa katni ymtoh de kam nachwa wow poi da ka poisa ha ki Chairman næ ka VWSC.

Hajrong kini kiyi kiyi ka Dorbar Chnong da beiñ joor ko ya u Phresmi wa u P. Sumer wa da paan RTI wei wow pynbaad baam-tooh ya ka poisa da ka dorbar chnong wa u waheh chnong.

Neiliang ka Dorbar Chnong da rai ko leh wow booh da ka Defamation FIR wa da daisarom ya ka chnong pyrchah ya kini ki ar ngut.