15 49.0138 8.38624 1 0 4000 1 https://wyrta.com 300 0

Pynche ka ECI hajrong ki Video wa yatoh wa i kyrriah ya ki EVM

0 Comments
Advertisement ad1

New Delhi: Hadien wa mih ki ujor wa pynbaad wa da pynkhih wei da kyrriah ya ki EVM na ki thaw booh ya ki namo ki Strongroom, khamtam ha ki Social Media neiliang ka Election Commission of India (ECI) da pynche ko wa ini man i iwa bakla wei iwa khlem yurim neibhah kini ki Video wa poor ha ki Social Media toh yong ki EVM kiwa ym em pynemkaam ha ka Election MP.

Ka ECI da ong ko wa hadien i thap Vote waroh ki EVM wa ki VVPAT da wanrah ya ki ha ki Strongroom ya kiwa da khang da ki tylla hei sakhi ki kyrtong, ki Observers ka Election Commission wei yeini waroh da riñ Video heipor wa wanrah wow booh ya ki. Kini ki Strongroom da riñ video bait ya ki da ki CCTV wei ini u pteiñ i hadooh wa dadep u ñiaw vote, heijooh i por kini ki Strongroom da yada da sonteri ya ki da ki chipai ka Central Armed Police Forces (CAPF) kamjooh leh ki kyrtong wa ki Agent yong ki ye ki wow neh ha kini ki thaw 24 kynta.

Advertisement ad1

Ha ka sngi ñiaw vote ki Strongroom daw wai ya ki hei emlang ki kyrtong wa ki Agent chirup wa ki Observer wei yeini leh daw riñdur heipor wa sai ya ki. Chwa wow ñiaw Vote na ki EVM daw pynyoo ya ki Counting Agent ki Address Tag, Seal wa ki Serial Number yong ki EVM wow pynskem u pyntikna wa man ki kiwa sakhiat.

Ya i rukom pynlai kaam wa i kaam Election da batai ya ki seiñ ha ki yalang wa da pynman da ka Commission kamjooh leh ha ki 93 tylli ki yalang wa da pynman hadien wa pynbna ya ki tarik Election. Waroh ki Chief Electoral Officer wa ki District Election Officer da phah ya ki wow batai ya ki kyrtong hajrong i rukom ñiaw ya ki Vote.

Chooh chooh ka ECI da ong ko wa ki Video wa pynyoo wa da kyrriah toh du yong ki kor EVM wa da pynyang harood (Reserve Unused EVM) kiwa ym em pynemkaam ha ka Election. Lada chem wa em kiwa pynemkaam bakla ya ki EVM daw takit bha wei daw pynchitom ya kiwa emkti.

Ka EVM Control Room 011- 23052123 daw man ko kawa krehkaam na Nirvachan Sadan heiyatoh wa i thut ki EVM namo iwon iwon i kaam wa yatoh wa kini ki kor ki wow krehkaam nadooh 11:00 waje ka 22-05-2019.

Advertisement ad1

0 Comments

Leave a Reply