Ka Joint Action Committee (JAC) ka seiñ Jaintia Hills Truck Owner’s Association (JHTOA) wa ka East Jaintia Hills Truck Owner’s & Transporter Association (EJHTOTA) da pynche ki yeiwa chah pynbaad ki ha kawi ka kot khubor wa pynmih na Shillong ha ka 28 tarik uni u bnai kawa da ong wa ka JAC da pynbor ko ya ki tre Truck wow su Rs. 1000 kawi ka Truck kam chibynta wow pynman ya ka yalang pynkupburom ya u Chief Minister wa ki Deputy Chief Minister ka jylla kawa daw pynman ha ka 1 tarik u July ha State Library Shillong.
Ka JAC da kyntait ko ya ini waroh iwa da chah pynbaad ko neibhah ym em kam itæ i phah su poisa ha iwon iwon i rukom wei ym em leh iwon iwon i pynbor ya ki tre Truck yow su poisa ki.
Chooh chooh da pynche wa i pynlut yow pynman ya ka yalang pynkup burom ha ka 1 tarik ha Shillong toh deiwa pynlut ka JAC da ka poisa wa em ka seiñ wei khlem da lai dawa, khlem da lai khrong na kiwon kiwon ki dkhot næ ki tre Truck.
Ka JAC da ong ko wa ini toh i pyrchang donhi wow pynsih yei pyrtuid ka JAC kamjooh ka yurim wa yieñ wa kreh ki hakhmat ka imlang sahlang.
Kamtæ ka JAC da kyntu ko ya waroh ki dkhot kamjooh ki tre Truck wym toh u ap ya kam kini ki khubor wa khlem yurim wei kiwa yahbakla.
I pyntip na u Kyrshan Dkhar, President ka East Jaintia Hills Truck Owner’s & Transport Association wa u Biangshwa Shylla, u President ka Jaintia Hills Truck Owner’s Association.
Discussion about this post