Hadien wa poor i Video wa pynyoo yeiwa em kawi ka kynthai kawa da chah thaap, chah kyrtem na khlieh ha uwi u bru iwa da jia ha ka yingkieñ wa em ha Nongstoiñ Bypass uwa man u sarok Shillong-Tura, da yoh noh wow kem ya uni u bru da ki VDP.
Ya uni u bru da kem da ka Village Defense Primary Committee Nongstoin Area (VDPCNA), wa yahkhmat da u President, u Mawkordor Kharsyiemlieh deiwa ya krehlang wa ka Village Patrol Duty (VPD) Mawkadiang.
Hadien wa kem ya uni u bru da e kti noh cha ki pulit yow leh ki yeiwa emkaam.
Da pyntip wa hadien wa poor ini i Video, neiliang ki VDP da tipmit ki ya uni u bru heiwa da man u kam u kurim ka kynthai wa chah dat wei ka kynthai toh kawa sah ha Upper New Nongstoiñ katwa u kurim ko toh uwa chong chnong ka Mawkadiang.
Ini i thaw wa jia toh ha ka yingkieñ Umrisaw wei da antaad da jia i ha ka 28 tarik heiwa neiliang ka VDP da maham ko ya kiwon kiwon kiwa wan wow yah pynhær kari cha kani ka thaw, kiwa leh ki kaam wa sih heiwa dang ini wadep da em ki kaam chah thombor ki khynnah.
Ha i Video wa poor da yoo ya kawi ka kynthai kawa yaam wei kiad deiwa sñiawsih wei phet ko wow kynthiar na ka yingkieñ tangwa da em uwi uwa ksoh ka wei da wan won uwi u bru uwa da ngiat ka na khlieh kam wow noh ka najrong yingkieñ heiwa da thaap u ka leh wei manda pat ko ha khyndaw da kyrtem u yei khlieh ko.
Discussion about this post