Heiyatoh wa i mih khubor yong ki phra ngut ki dkhot ka National People Party (NPP), East Jaiñtia Hills District, neiliang u General Secretary u Lalming Ngamlai wa u President u Dr. J.W. Dkhar ka party, da ong ki wa napyrdi ki phra ngut kiwa da iehnoh yei man kam ki dkhot ka Party NPP EJHD, ka NPP District Committee ym em yutip ko yei psiah dkhot yong ki le ngut kiwa da mih pyrtuid kiwa kynthup ya u Justine Dkhar (MLA warim), u Thomas Nongtdu wa u Topaz Lapasam.
Da ong wa tip ki yei man dkhot kini du hadien wa mih pyrtuid ki haki khubor wa da mih ki naka seiñ.
Chooh chooh da ong wa ini i mih noh yong kini ki dkhot ym ktah ko iyi iyi yaka Party NPP East Jaiñtia Hills District. Hawa yatoh won wa ki san ngut won hanla man ki ki dkhot ka Party leh, tangwa i mih næ i iehnoh kaam yong ki leh ym em i ktah iyi iyi yaka Party.
Neibynta u Justine Dkhar (MLA warim) ka NPP EJHD da pynche ko wa haka Election wa dang dep, uni u MLA warim da yakhun (Contest) MLA Election u na ka Party BJP, kamtæ i mih noh yong uni u MLA warim ym ktah ko iyi iyi yaka Party NPP EHJD.
Hadooh kattæ ka NPP EJHD, ka dang lai bait lai ryntih ki kaam yong ka heiyatoh leh ha ki kaam pynroi neibynta ki myntoi yong ki paidbah yong ka District waroh kawi.
Ki dkhot kiwa da iehnoh kaam, ym toh neidaw yong ka Party NPP tangwa neidaw yong ki samen hi.
Discussion about this post