Pynche ka NPP yei rukom pyndam ya ki Officer ka Meghalaya Lokayukta

Ka NPP kawa yahkhmat yaka sorkar MDA-II ha ka jylla da pynyoo ñia ko yei chah pynbaad wa ka da pyndooh kreh yabor ko ya ki Officer ka Lokayukta du neidaw wa embynta ki wow takit yei kaam pynemkaam bakla yaka poisa kawa Rs. 6 klur yow chna ya ka MDC Hostel yong ka Garo Hills Autonomous District Council (GHADC).

Kiwa da chah pyndooh kreh toh u J. Rymmai, Director ka Inquiry & Prosecution, u Inquiry Officer u R. Pde wa u Anil K Sangma.

Hawa klam wa kiwa thoh khubor ynne ka sngi, uwa e ktien ka NPP, u Himalaya Muktan Shangpliang da pynche u wa katkam ka aiñ ka Meghalaya Lokayukta, ym chah wow thung ya ki Officer wa da chong-ngiah tangwa ha itu i por ka sorkar da thung hi-eh ko chipor neibhah wym pu yoh ya ki Officer.

“I da yoo i ha ka Social Media wa da pyndam ya ki Officer na ka Lokayukta kawa da pynmih hukum da ka yung krehkaam u Montri Rangbah. Wei kwah i wow pynche heini wa em ka kyndon 11 wa 10 kawa ong wa toh u em u Secretary ka Lokayukta wei katkam ka aiñ ym chah wow thung da kiwa da chong-ngiah tangwa heitu i por khlem yoh wow phah ya ki pyrtuid wei da phah yei pyrtuid kiwa da chong-ngiah. Kamtæ hadien wa ka sorkar da yoh ko ya ki Officer kiwa dang em hei kaam, da phah da ki pyrtuid kiwa thymme ha ka 19-12-23 wow thung, wei chong ha u Chairperson katwa ka sorkar ym embynta næ em bor ko iyi iyi wow wow tuklar”, da ong u Shangpliang.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Wei toh katni wa hadien wa da yoh ya ki Officer kiwa dang em hei kaam, neiliang ka sorkar da thung pura ko ya ki katkam ka aiñ, wei da kyntait u wa ka yung krehkaam u Montri Rangbah næ ka sorkar wa embynta ko iyi iyi wei ym em bor ko wow tuklar yei thung ya ki neibhah wa chong hei bor yong u Chairperson wow thung ya ki wei ka sorkar da phah ko du yei pyrtuid.

Ki Officer kiwa dang thung thymme toh u IW Ingty, MCS wow man kam u Director ka Inquiry and Prosecution, u Chalang G Momin, u John C Sangma wa u Baniateilang Diengngan kiwa man kam ki MPS u man noh ki kam ki dkhot.

Kam wow kdaw heini wa ka Voice of the People Party (VPP) da maham yakhih paidbah ko deiwa pynbaad wa ka sorkar da pyndam yabor ko ya kini ki officer da ka luti wym toh du wow murieh yei kaam baam tooh da ki bru wa yajan wa u Montri Rangbah ka jylla.