Hadien wa mih khubor yei em ka seiñ wa tip kam ka North East Sunshine Trust (India) kawa da thoh chithi cha u Montri Khynnah ka sorkar pyrdi, u Dr. Jitendra Singh uwa pait yaka chnat Atomic Energy yow pynchlur yaka sorkar India yow tih Uranium biang ha Meghalaya deiwa lai yarap kani ka seiñ wow pynsñiawthooh ya ki paidbah hadooh wow pynhun ya ki wow yut chnong.
Neiliang ka Elizabeth Matthews Nongbri kawa man kam ka Founder Trustee & Chairperson da phah ko yei pynche wa kani ka chithi wa da phah cha u Montri ka sorkar toh kam ka Draft donhi namo kawa dang pynkhreh donhi yow phah.
Da pynche leh wa da em ki bru wym pu tip kiwa da leh yeini i kaam wei dang pynman yei takit da ka seiñ yow chem ya kitu kiwa kwah wow pynbood naam yei pyrtuid ka seiñ.
Da ong ko leh wa kat ini i kaam wa da thmu ki wow leh toh iwa heh bha i wym ye u leh khlem da bood ya ki kyndon yong ka sorkar Meghalaya.
Chooh chooh da pynche wa kani ka chithi man ko kam ka Draft donhi wei ym em phah ka cha u Montri.
Da paan maap leh na ki paidbah yeiwa mih na ini wa jia iwa leh da ki bru wym tip u pyrkhat kiwa kwah du wow pynsih yei pyrtuid ka seiñ.
Puræ leh: Mih syndet kawi ka seiñ kawa pynchlur yaka sorkar pyrdi wow tih Uranium ha Meghalaya
Discussion about this post