Pynche ka sorkar yei chah ktah ka MCAB waka MRB nei chah khang ka YES Bank

Hadien wa khang chipor yaka Yes Bank heiwa ka Reserve Bank of India da booh ko wa ye u sai poisa du T. 50,000 na kawi ka Account, da pynthut ko leh yei krehkaam kiwi ki Bank wa chaniah ha kani ka Bank yow pyndep ya ki kaam yong ki.

Heiyatoh wa ini, u montri rangbah ka jylla u Conrad K Sangma deiwa emlang u Commissioner Secretary Finance ka sorkar jylla, u MD ka Meghalaya Cooperative Apex Bank (MCAB) wa u MD ka Meghalaya Rural Bank (MRB) da yachem ki wa ki laad pathai khubor yow pynche ya ini.

U montri rangbah da pyntip u wa ka Bank MCAB toh kawa da chakri yaka jylla nadooh u snem 1971 wei katni kani ka Bank heiyatoh waka Mobile Banking, RTGS, IMPS, NEFT wa ki kor ATM da leh ko da iwa yarap (Technical Assistance) ka YES Bank wei kini katni da man iwa thut i krehkaam katwa yaka MRB da ktah yaka Cheque Clearing tangwa ym em mut wa ym em de skhem ka MCAB waka MRB wei kattæ dang thooh laad kammon wow pynkrehkaam ya ini deiwa yoh yarap (Technical Assistance) noh na kiwi. Heijooh i por da ong u wa kini ki ar Bank dang krehkaam ki kamwa jooh hi wei ym em ktah ka kaam poisa poilaiñ nei chah khang ka YES Bank.

U Conrad da pyntip u leh wa ka sorkar jylla ym em ko iyi iyi leh i thmu wow sai yaka poisa yong ka naka MCAB neidaw waka sorkar chaniah skem ko ya kani ka Bank wei neiliang ka RBI leh da e ko yaka kyrdan Schedule Status cha kani ka Bank iwa pynyoo wa kani ka Bank man ko kawa chait wa khiah, heiyatoh won wa ki khubor thok wa da pynpoor ki bru ha ki Social Media wow sai noh yaka poisa yong ki naka MCAB waka MRB, da pyntip u wa ka MCAB da ujor FIR ko waka Sadar Police Station.

Related posts

Yieñ ki kari syad dor ha JHADC tangwa yeiwa emkam dooh wei ym yoh poisa

July 24, 2025

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025