Ka sorkar India lyngba ka Ministry of Petroleum & Natural Gas da pynche ko yeiwa em kiwa pynpoor ya ki khubor wa yahbakla ha ki Social Media heiyatoh wa i Ethanol Blended Petrol (EBP), dei thmu wow pynkulmar ya ki paidbah deiwa pynemkaam da ki dur warim kamjooh ki Video du yow pynku ya ki Views wei wow pyntieñ paidbah u pynemkaam yei Petrol wa da khlehlang wa i Ethanol.
Ka Ministry of Petroleum and Natural Gas da ban joor ko wa ka Ethanol Blending Programme toh kawa da ye wow pyntikna da ka Science wei kawa boodien da ka sorkar thij pa thij.
Ka Ethanol Blending Programme toh kawa da sdang ha u snem 2003 da ka thong wow pynduna yei wanrah na baar ri yei phñiang Crude Oil, yow yada ya ka rymaw wei da pynkrehkaam ka kajiak chisien heiwa kattæ da man 20% Ethanol Blending (E20) nadooh u 2023.
Chwa wow leh yeini da yaklam wei da leh ya kiwa boon deiwa krehlang wa ki Oil Marketing Company, ki karkhana chna kari, ki Fuel Testing Agency wa kiwi de kiwa embynta ha ini i kaam.
Chooh chooh da ong wa nadooh wa pynemkaam yei E20 Petrol ym em jia wa sih ki Engine kari ymtoh kamwa em kiwa da pynpoor khubor. Da em leh kiwa da kam toh neidaw wa i Ethanol taan i ya ka um wa em ha ka la’ær ktah ko ya ka kari, heiyatoh wa ini da pynche wa ki kari wa katni toh kiwa da biang kiwa ye wow khang yei psiah ka um chapoh ka thaw thap phñiang.
Da pynche leh yei em kiwa pynpoor ya ki Video ha ki Social Media kiwa da kam wa dei umsoh na u pe da khleh bait wa i Petrol. Da ong wa ini toh i pynbaad wa khlem yurim neibhah i khleh ya i Ethanol toh iwa da leh deiwa bood katkam ki kyndon chwa wow khleh.
Ya i Ethanol da chna nei boon ki jait ki mar (sugarcane juice, molasses, broken rice & maize), tangwa i rukom man i Ethanol chong na i jait mar wa pynemkaam yow chna kiwa da hap bood boon jiat nadooh wow pdem, u hæ wei wow pynkhlaad ya iwa emkaam.
Kamtæ da ong wa ki Video wa pynpoor ki bru toh iwa yahbakla wei wow pynchit paidbah donhi dei thong wow pynku ya ki Views.
I khleh Ethanol ha India toh iwa leh deiwa bood ya ki kyndon wa rkhiñ bha kiwa dadep Test da boonsien yow pyntikna wym em i chah ktah.
Ka Ministry da ong ko wa i khleh Ethanol toh iwa da leh ha kiwa boon ki ri deilang ka United States, Brazil wa Japan heiwa ha Brazil kattæ da leh ki da ka E27 iwa da khleh wa i Petrol.
Da pynche leh wa deiwa em ka Ethanol Blending Programme da ye wow pynduna yei lut wa palat ₹1.4 lak klur neiwa wanrah yei Crude Oil na baar ri heijooh i por da yoh myntoi ki warep kiwa pynbiang ki mar yow chna Ethanol.
Discussion about this post