Pynche ka sorkar yei rukom jied ya kiwa lai puræ MBBS hapoh ka State Quota

Ka chnat Health and Family Welfare, ka sorkar Meghalaya da pynche ko yei rukom jied ya kitu kiwa yoh u lai puræ MBBS cha ki thaw puræ katkam ka bhah hapoh ka State Quota.

Da ong wa i rukom bhah toh deiwa khlem leh chiliang wei da e cha kiwa da lehbha wei katkam i hok wa toh u yoh katkam wa da booh wei yahluti hapoh ka Meghalaya State Reservation Policy.

Ha ka wat wa nyngkong, kitu kiwa yoh Marks boon dooh naka Open Category da e bhah ya ki wow jied yei thaw puræ katkam wa kwah ki. Wei yeini da leh ha yurim wa kitu kiwa yoh Marks boon dooh da yoh laad ki wow jied chwa. Neitæ poi sa kitu kiwa yoh Marks boon dooh hapoh ka Khasi wa Jaiñtia Category kiwa da yoh katkam wa da jied ki wei hadien ini poi sa ki Garo wa ki Other Scheduled Tribe (OST).

Ha man ka wat, da leh ha ka yurim wow man salonsar deiwa bood ya ka kyndon wa da kdaw ha ka pynbna sorkar namo ka Notification No. Health.306/2021/21 wa da pynmih da ka Health and Family Welfare Department, haka 13-05-22.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Ha ka wat wa ar kiwa yoh Marks boon dooh na ki Khasi wa Jaiñtia Category da e yei bhah yong ki wo jied ki. Hadien ini da bood ki Garo, OST wa ki Open Category.

Ha ka wat wa le, kiwa yoh Marks boon dooh na ki Garo da e yei bhah yong ki wei da bood da ki OST Category, Open Category wei da da pynkut neibynta ki Khasi wa Jaiñtia Category.

Kamtæ ha kawi pa kawi ka wat, kiwa yoh u jied nyngkong da yoh wow leh chisien da ki Open, Khasi wa Jaiñtia, Garo wa ki OST Category.

Na ki 92 tylli ki Seat wa em hapoh ka State Quota, 39 tylli da lai ki cha ki Khasi wa Jaiñtia Category wei da em leh sa ar ngut kiwa da chah jied hapoh ka Open Category wa kawi kawa man kam ka Person with Disability (PwD).

37 tylli ki Seat da lai ki cha ki Garo, 12 tylli cha ki Open Category wa 4 tylli cha kiwi ki Scheduled Tribe.

Da em leh ar ngut kiwa da rah cha ka Khasi wa Jaiñtia Category naka Open Category, wei da man ki kam ki Top Two Candidate ha kani ka Category neidaw wa lehbha ki yow yoh laad ki wow jied ya ka College wa kwah ki.

Puræ leh: 92 ngut kiwa chah jied wow lai puræ MBBS na Meghalaya