Heiyatoh wa iwa jia ynne ka sngi ha Patna, Bihar ya u Pastor RG Laloo wa u Tbn. T. Nongkhlaw kiwa na ka Balang Presbyterian, neiliang u SP ka East Khasi Hills da pynche u wa hadien wa da poor ka khubor ha ki Social Media wa da chah dat kini ki arngut, neiliang ki heh pulit ka Meghalaya da yaklam ki wa u Senior Superintendent of Police ka Patna wa u SP (City) East Patna.
Kamtæ da pyntip cha u DGP ka Meghalaya wa heipor kamwa 1:30 ynne i sngi da em kiwa pynpoor ya ka khubor hamsaya wa em ki bru wa wan wow pynkylla niam ya ki bru ha iwi i yung kamtæ da em ki bru wa wan wow kær kut ya kani ka yung iwa da wanrah yei ya awri wei chah tba kti ki bru wa em hapoh kani ka yung.
Neiliang ki pulit ka Alamganj Police Station dapoi ki ha kani ka thaw yow pyn jai-jai wei da yah ki ya u Pastor wa u Tymmenwasan cha thanat yow yoh ki yei yada.
Da pyntip leh wa neiliang ki pulit ka Bihar da e ki yada wow lai liwan kini ki arngut dei suk cha Shillong deiwa li booh ki hadooh ka lieñsuiñ.
Hajrong ini waroh, neiliang ki pulit da leh ki katkam ka aiñ ya kitu kiwa emkti ha iwa da jia ynne ka sngi.
