15 49.0138 8.38624 1 0 4000 1 https://wyrta.com 300 0
Advertisement ad1

Da ka 144 booh ki bor District wow yada ya ka Wah Myntdu
Ye ki paidbah u ujor lada em kiwa leh pyrchah lyngba u Whatsapp

0 Comments
Advertisement ad1
Advertisement ad1

Jowai : Kam chibynta wow yada ya ka rymaw wa ka wah Myntdu nei yap (pollution), yow yada ya ki chait i khiah ki bru wa ki mrad, u District Magistrate ka West Jaintia Hills ynne deiwa pynemkaam ya ka kyndon Section 144 CrPC da hukum ya waroh kiwa tih mooyong wa kiwa booh mooyong yow pyntikna ki wa ka um na kini ki thaw ymtoh u kai ko cha ka wah Myntdu.

U District Magistrate da mana u leh ya waroh kiwa sait kari ha ka wah næ harood yong ka. Kamjooh leh ya ki thaw sait kari wa ki karkhana chna kari da mana wym hoi u pynkai ki ya ka um wa lati na ki thaw kreh ki cha ka wah Myntdu deiwa tih ya ki thlu næ chna ya ki thaw yow pynysngat ya ka um lati u kai cha ka wah.

Chooh chooh da mana ya ki paidbah wym hoi de u noh jhep ki cha ka wah.

Ya kini waroh da leh hadien wa da ujor ki paidbah ha u  District Magistrate wa da jakhlia ware ka wah Myntdu weiwa da sdang ko u kylla rong bneiñ. Weiwa da chem wa ha ki sngi chuti boon ki bru wa sait kari hapyrdi ka wah iwa ktah ym du ya ka um kamjooh ki doh wa im ha ka.

Lada chem ya kiwon kiwon kiwa leh pyrchah yeini daw chah pynchitom ki katkam ka kyndon section 188 IPC wa kiwi ki aiñ kam ka The Water (Prevention and Control of Pollution) Act 1974, ka Environment (Protection) Act 1986 wa kiwi kiwi ki aiñ. Ya kani ka hukum u kreh ko 2 bnai namo ye u pynkreh ya ka katkam ka aiñ.

Lada em kiwon kiwon kiwa chah ktah heini ye ki u yachem wa u District Magistrate yow pynkylla weiwow pynmiat ya ka hukum kamjooh leh ki paidbah ye ki u u ujor lada chem ya kiwa tyngkheiñ ya kani ka hukum lyngba u Whatsapp ha ka number 94363 94363.

Advertisement ad1

0 Comments

Leave a Reply