Pynche paidbah u Dr. Mukul harong i leh u sahep HM Shangpliang

Shillong: U Montri Rangbah ka jylla u Dr. Mukul Sangma ym bien u wow klam che wa kammon ka sorkar u leh ko ya u sahep sorkar u HM Shangpliang uwa da chah ujor wa embynta u ha ka yalang ka Congress wa pynman ha Lawbah ha kini ki sngi wa da dep.

U Shangpliang toh uwa ksoh yei kyrdan kam u director ka tnat Social Welfare uwa pait leh ya kiwi ki tnat sorkar wei da chah ujor u ha kiwa boon ki seiñ hapoh ka jylla.

Hawa kylli kiwa pathai khubor hadien wa kut ka yalang yong ka dhab ki montri ynne ka sngi, u Dr. Mukul da ong u wa kawon kawon ya ujor wa da poi cha ka sorkar daw pynman ko ya ka takit yow chem yeiwa sakhiat katkam ka aiñ.

U Montri Rangbah ym bien u klam boon deiwa ong biang wa ka sorkar daw thooh ko yeiwa sakhiat.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Da ong won u wa ymtip hadooh katwon wa man ini iwa sakhiat neibhah ha ka tai ka sngi da em leh ka yalang sorkar wei neiliang u Chief Secretary ka jylla leh da paan jubab u.

U Dr. Mukul da ong u leh wa dang yang ki yei jubab na u HM Shangpliang yow ye ki u bichaar wa tyngkheiñ u namo ym em ya ki kyndon krehkaam kam uwa kreh sorkar.

Also Read: Beiñ joor ka BJP yei lai yalang u HM Shangpliang yong ka Congress