Hadien wa mih khubor wa oor i kynroh wa kær ya ka yung dorbar chna aiñ wa thymme ka Meghalaya, neiliang u Montri Rangbah ka jylla, u Conrad Sangma da hiar u wut-wut cha kani ka thaw yow takit u yeiwa jia deiwa emlang ki bru ka PWD.
U Conrad da pynche u wa ini i kynroh wa oor ym em yatoh i iyi iyi wa i chna ya ka yung dorbar chna aiñ wa thymme wa em ha Mawdiangdiang wei i bynta i kynroh wa oor leh toh iwa jngai bha na i thaw wa em ka yung dorbar wa dang chna wei ini i thaw toh iwa em ha chariñ u loom.
Da khana u leh wa i kreh yow chna yei kynroh wa oor toh iwa da leh da ka Assembly Secretariat ymtoh iwa leh da ka PWD wei toh iwa da dep chna kamwa ar snem nachwa.
Chooh chooh da ong u wa i daw wa oor toh wa em i oor khyndaw iwa dang dep jia wei da ban joor u wa ini i kynroh wa oor ym em yatoh i wa i chna ya ka yung dorbar wei ym ktah i leh yei chna ya kani ka yung.
Discussion about this post