15 49.0138 8.38624 1 0 4000 1 https://wyrta.com 300 0
Advertisement ad1

Pynche u EC Dkhar ya kiwa kyrchaan yong oo wa randien u kam u kyrtong MDC

1 Comment
Advertisement ad1
Advertisement ad1

Jowai: Ynnin ka sngi ha ka yalang ha Mukhap wa pynman da u Eleazer C Dkhar wa kiwa kyrchaan yong oo da wan ki na waroh ki chnong hapoh ka 14-Mowkaiaw Constituency neibynta wow pynche cha ki paidbah wa da randien u kam u kyrtong MDC yong ka UDP 14-Mowkaiaw Constituency.

U Dkhar heipor wa pynche u cha ki paidbah da ong u wa wa hap pyrkhat jngai neibynta wow pynkhlan ya ka Party UDP ha kani ka thaaiñ. Wei wa sñiawthooh u leh wa man ko kawa phylla bha ya ki paidbah wa da e u ya ka Ticket party cha uwi deiwa ong wa oo ym toh uwa da kwah du wow chong chuki hapoh District Council.

“Nga kwah oo wow man kam uwa yahkhmat wa kreh chitom wow pynkhlan ya ka party UDP. Khamtam wa nga man O kam u President nga em O ka thong wow wanrah biang ka yatylli ha kini ki 3 tylli ki chnong ka Mowkaiaw, Mowkhap wa Mowtyrshiah, i emkaam i ya ki paidbah wa chakhmat wow kreh neibynta ka party UDP kawa man ka party ri-loom.” Da ong u Dkhar.

Da paan maap u leh na kiwa kyrchaan ya oo kam u kyrtong deiwa ong wa ym toh u dooh kyrmen ki.

Da khut u leh ya kiwa kyrchaan ya oo wow kyrchaan ki ya u Winning Sungoh kam u kyrtong UDP yow pynjop ya oo.

Neiliang u MLA ka Mowkaiaw u Nujorki Sungoh da ong u wa u Dkhar toh uwa yahkhmat wa kreh chitom wa stat wei ha chwa wow randien u da wan yaklam u wa oo ya kiyi wa pyrkhat bha dooh u.

“Nga tip O wa ki bru daw klam ki ya iwa boon. Tangwa phi kam ki paidbah kiwa kyrchaan ya u Eleazer toh u em bait phi ya ka yurim wa skhem wow neh waka party UDP wei nga khut O ya kiwa kyrchaan u Eleazer wow kyrchaan ya u Winning Sungoh kam u kyrtong yong ka UDP 14-Mowkaiaw Constituency.” Ong u Sungoh.

Also Read: Mih u MDC ka 14-Mowkaiaw na ka Congress deiwa rai wow yakhun na ka UDP

Advertisement ad1

1 Comment

  • February 7, 2019 at 5:40 pm
    Mike

    Daw rem ki

    Reply

Leave a Reply