U Hamletson Dohling, Minister Urban Affairs ka sorkar Meghalaya da pynche u heiyatoh wa yoh kyrdan ka sor Shillong cha tre bha na ki sor wa khooid hapoh ka ri.
Da ong u wa ini toh iwa mih ha i thooh bniah hapoh ka Swachh Survekshan 2020. Heiwa neiliang ka chnat Urban Affairs waka Shillong Municipal Board (SMB) da chong pyrkhat ki ya ini, wei ya ini i rukom jied kyrdan toh hajrong ki 4 tylli ki phang wa kynthup yaka Certification, Service Level (i e chakri), i wan pait dei khmat wa i pynsñiaw kiwa chong chnong.
Da ong u wa ka SMB da leh bha ko heiyatoh wa i e chakri heiwa du na kini da kheiñ 1500 Marks. Heiwa manda kheiñ yaka yutip wa da e daka MIS kawa da booh (Uploaded) da ka SMB haka Website ka Swachh Bharat Mission iwa da e man ka 3 bnai. Tangwa em ki bynta wa ka ym em lehbha ka SMB heiyatoh wa i pynlang wei noh jhep (Processing & Disposal) neidaw wa i thaw noh jhep toh iwa dang chna.
Heiyatoh wow yoh Certificate kawa da kheiñ 1500 Marks, ka SMB ym em lehbha ko neidaw ym pu em tipmit namo Certified kam ka Garbage Free City namo ka sor wa da lait na i jhep. Kamjooh leh wym em yaki dooid ki liar yow pynlai yei jakhlia namo ka Sewage System kawa man ka kaam kawa da sah da slem kamtæ ym ye wow yoh ya ki Marks chiboon.
Chooh chooh da ong u wa duna i chimbynta kiwa chong chnong hawa leh yaka sorjamin (Survey) lyngba ka MyGov App yow e yei sñiaw yong ki (Feedback). Iwa da wanrah leh yei dooh wa kamwa 1500 Marks.
Da ong u leh hanla yoh yei kyrdan wa duna, ka sor Shillong da yoo ko ya iwa boon heiyatoh wa i khooid i jngiar. Ka Shillong toh kawa nyngkong dooh ka sor hapoh ka ri wow yabhah yei jhep pyn na ki yung ki sem, heiwa palat 70% ki manyung da leh ki ya ini nadooh u snem 2015-16, iwa man chwa wa mih ki SWM Rules 2016, heiwa da phah chwa wym hoi u dam wow bhah ya i jhep.
Chooh chooh da ong u leh wa ka Shillong da man ko na kiwi kiwa nyngkong dooh kiwa da pyndooh yei pynlang jhep ha ki thaw wa em ha ki chnong ki thaw heiwa ya i jhep da pynlang na ki yung ki sem.
Heiyatoh wa i rukum pynemkaam yei jhep namo ka Processing & Disposal, deiwa booh yaka 170 Ton per day Compost Plant wa i thaw noh jhep wa heh 8500 sq.m (Sanitary Landfill) man ko kawa da jan dep.
Da pynkut deiwa ong wa ka jylla Meghalaya da pynkrehkaam ko yaka Meghalaya Solid Waste Management Policy. Kamtæ wow booh yaka Shillong kam kawi na kiwa tngit dooh ki sor hapoh ka ri man ko iwa bakla.
