I yakhih kiwa sikai Contract wa da chah pyndam kreh da joor bha i ynnin ka sngi, wei kiwa sikai kiwa da pynman yakhih la kamwa chi bnai kattu da phylla ki wa ya kiwa sikai hapoh Dadengre ympu pyndooh kreh ya ki hadooh katni kiwa em palat 100 ngut.
Hajrong ini neiliang u Montri wa pait ya i puræ puthi ka jylla, u Lahkmen Rymbui da ong u wa ka sorkar hadien wa dadep pynman ko ya ka TET, da thung ko ya kiwa sikai ha ki District waphær waphær, laitnoh ha Dadengre Sub-Division neibhah wa ha i por wa pynman ya ka Test da em i lait tooh ki thup kylli (Question Paper) wei hadien wa chem wa i lait tooh ki toh du ha ini i thaw da pynbna noh ya ki Result katwa ya ka Dedengre Sub-Division da pynman biang ya ka Exam hadien.
Da pyntip u leh wa hadien wa dadep pynman Exam ympu khut pyndap næ khut ya ka Advertisement ya ki kreh neidaw wa wan noh ka Election MDC ha Garo Hills wei da pynkrehkaam noh ya ka Model Code of Conduct, tangwa hadien ka Election da khut Advertisement ya ki kreh wa lait.
Hadien ini won da mih sa ka hukum ka High Court wa hap pynkrehkaam ya ka Roster System wei toh neini i daw wympu ye wow pynman ya ka Interview yong kitai kiwa sikai wei dang pteiñ ki kam kiwa sikai Contract.
