Pynche u Paul yei wym ngait ki 4 MDC ka UDP ya ka seiñ

Shillong: U Working President ka UDP uwa man leh u MLA ka West Shillong Constituency, u Paul Lyngdoh hawa pynsñiaw yei kwah i angnood ki 4 ngut ki MDC ka Party wow bichaar biang ko yei rai ka CEC wow dam noh u kyrchaan ya ka PDF ha KHADC, da ong u wa hei sakhiat ka rai yong ka CEC toh u neh ko neibhah wa ka man ko kawa hakhlieh dooh ka party wei lada em ki ya ki daw wa biang ki 4 ngut ye ki u pynsakhiat yeini i kyrchaan ya ka People’s Democratic Front wei man ki kiwa chongñia, ka party daw bichaar won ko yeitæ.

U Paul hawa yaklam ynne ka sngi da ong u wa kini ki MDC ka party da phah chithi ki cha u President ka party u Dr. Donkupar Roy wei ka party daw pyrkhat ko yeini.

“Kam ki dkhot ka CEC, ki MDC ye ki wow pynsñiaw yeiwa thrang wa angnood ki wei ka party daw chong pyrkhat ko yeitæ iwa kwah ki” da ong u Paul.

Da ong u leh wa kam uwa yahkhmat ya ka party, ym chim wa i lai kyrchaan ki 4 ngut ki MDC ya u Pynshngain u man i i dooh nong ya ka party neibhah oo kyrmen wa ini i kynrum kynram ha ka party daw pynkhlan chooh chooh ko ya ka party yow pynbait ya waroh i eh wa yachem ko.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Hei jooh i por, u Paul da kyntait wa ka kynrum kynram wa mih na ka rai yong ka CEC daw ktah ko ya ka party ha ka election MLA 2018 wei da ong u wa ha ka party UDP da em ko ha pyrdi ya phyllu yumut wei hawa kut daw chim ko kawi donhi ka rai, wei da ong u leh wa ka UDP ym em man ko kam ki National Party kiwa pynkrehkaam ya i rai deiwa khlem ap ya i sur yong ki dkhot.

Hajrong i kam yong u Pynshngain kam u CEM, u Paul da ong u wa ym kwah u u ong iyi iyi leh neibhah dang smat ware i por neibhah i por wow pynman ya i jied MDC dang em i sa 2 snem kattu wei da ong hi eh u wa u Pynshngain da jop u wei da jooh rem u leh.