Shillong: U MLA ka NCP na South Shillong u Sanbor Shullai ynne ka sngi da kam u wa kawa pyllai ya ka Guest House ka Haviva Passah deilang wa kiwa ha yung ha sem yong ka da pynbaad bakla ki ya oo hadien wa e thaw sah mynkan u ya kiwa wan yaleh kaam chipai.
Hawa yaklam u wa kiwa pathai khubor ynne ka sngi da ong u wa da lai u cha kani ka Guest House hadien wa em wa pyntip ya oo chirup wa ka bei yong ka wa pyllai ya ka Guest House ka Disyona Pasah wa em da ki spah ngut kiwa thooh kreh wa em cha sarok.
“Manda poi O ha kani ka Guest House ha ka 2 tarik u Manager u Mickey Passah da dep e thaw sah u ya kiwa wan yalehkrehkaam chipai wei da chim u T. 500 samen wei da ong u wa ini toh iwa bakla wei nga daw pynbiang thaw sah O ya ki wei emkaam noh u pynuiñ u ya ka poisa wa da su cha ki,” da ong u Sanbor.
Da ong chooh chooh u wa hadien wa chem u wa kiwa boon toh kiwa wan na ki manyung wa dooh wa duk da rai u wow e thaw sah mynkna ya ki hapoh ka Community Hall ka Raid Laban Sports, Social & Cultural Organization (RLSSCO).
Da pteiñ u deiwa ong wa da yah u ya ki kattu katni kiwa yalehkreh cha iwi i yung trep wei da paan thaw u leh na ka diah u wow e thaw ko ya ki ha yung yong ka hadooh 5 waje i step heiwa ka Rally u sdang ko nadooh 6 waje i step.
“Neini i daw ki tre ka Guest House da sñiaw ki wa da pynthut O yei khih i kreh yong ki.”
“Nga man i por psiah O cha kani ka Guest House yow sylli ya ki kot ki sla yow tip ya ki jait bru wa sah ha kani ka thaw kamtæ kiwa pyllai da wit ki nga wei da ong ki leh wa hiar ka khih ka khan ki deiwa leh O kamni.”
U Shullai da ong u leh wa arbnai nachwa u payu ka Haviva u Mickey Passah da chah rah u ha ki pulit ka Rilbong hadien wa em wa ujor FIR pyrchah ya oo na uwi u Tourist Agent hadien wym ye u pynbiang thaw sah katkam wa da kular u hadien wa dep chim poisa u T. 30,000 kam ka bai kamra wei da wan u wow pynyasuk wei da pyndam noh ya ka FIR.
Hei yatoh won wa iwa jia ha i kamra krehkaam yong u Sanbor ha ka 4 tarik won, u Sanbor da ong u wa heitu i por oo dang em yalang u wa ki sahep ka Planning Departnment.
“Hadien wa yoo O wa wanrah lang ka Haviva ya ka muna da suba O boi rah Acid ko kamtæ da phah O ya u PSO yong nga wow yarap wei ym toh u tba kti u ka,” da ong u Sanbor.
Hei yatoh won wa ka FIR wa da e ka Haviva, u Sanbor da ong uwa ym em khuslai u neibhah boon kiwa sakhi yeini iwa jia.
Da ong u leh wa ka Disyona Passah wa kiwa ha yung yong ka toh kiwa kyrchaan ya u Sounder Cajee uwa yieñ pyrchah ya oo ha ka Election 2013 wa da dep.
Also Read: Pynche ka Haviva Passah hei yatoh wa jia i awri awra wa u Sanbor Shullai
Discussion about this post