U SP ka West Jaiñtia Hills District, u C. Syrti da pynche u yei mih khubor wa tieñ ki pulit ka Meghalaya ya ki Karbi te yut ki ynnin ka sngi ha chnong Lapangap.
Da ong u iwa jia toh hadien wa ki pulit da pyntip cha ki wa ki pulit ka Assam lai chna trep ki ha i thaw wa da kam ki Karbi kiwa da ong toh iwa haap hapoh ka Assam katwa kiwa chong chnong ka Lapangap won da ong ki wa ini i thaw toh iwa dang em hapoh Meghalaya.
Kamtæ da mih ki paaid na Assam kiwa toor cha ki pulit ka Meghalaya wei da dawa ki wa toh u uiñ ki neibhah ini i thaw toh iwa dang haap hapoh ka Assam.
Hadien ini, kini ki bru wa na Assam da sdang ki wow kawang moo wei da siat ki da ki watur yow beh ya ki pulit.
Neidaw wym em u pood wa che iwon wa haap cha Meghalaya wei iwon wa haap cha Assam, ki pulit ka Meghalaya da uiñ ki chadien wei ym em pynyoo bor ki yow lait u jia iwon iwon wa sñiawsih.
Ki paaid na Assam da yieñ neh ki hei thaw wa da kam ki toh iwa dang haap hapoh ka Assam wei da sangeh ki wow kdong ya ki pulit ka Meghalaya.
Kamtæ da pyntip cha ki pulit ka Assam kiwa da wan wow pyn jai-jai ya ki paidbah ka Assam wei ki pulit ka Meghalaya leh da pyn jai-jai ki paidbah wa na Meghalaya wym toh u lai toor cha i thaw wa em i ya kajia pood.
Puræ leh: Yut ki pulit Meghalaya hadien wa chah siat watur ha ki Karbi ha Lapangap
Discussion about this post