Pynche u Wailadmiki yeiwa yoh boon ka Tura bar ya ka Jowai neibynta ka Smart Town

Ka NPP West Jaiñtia Hills ynne i miet da pynman ko ya ka yalang paidbah ha Yungwalieh ka Dorbar Chnong Dulong, Jowai neibynta wow paan i kyrchaan ya ka Dr. Ampareen Lyngdoh kam ka kyrtong ka Party ha kani ka Election MP.

Hawa e yei klam, u MLA ka Jowai, u Wailadmiki Shylla da ong u wa kam uwa mihkhmat hap pait u yeiwa emkaam ki paidbah ka Jowai Constituency heiwa da wan u ynne wow paan yei kyrchaan yow ye u kreh rap bha ya i myntoi ka Constituency kawa em chi bhah ka sorkar wa chi bhah ka palatsor kamtæ da kyrpaad u wow kyrchaan ki ya ka MP ka Party heiyatoh wa ini.

Da pynkynmoo u wa ha ka Dorbar Mang Tangka wa dang dep wot heiwa da mih i kylli wa katwon wa pynlut poisa neibynta ka Smart Town ha Tura wa ha Jowai kawa wan na ka sorkar pyrdi heiwa da mih i jubab na u Montri Rangbah wa ha Tura man ko Rs. 338 klur katwa ha Jowai won du Rs. 79 klur wei hadien ini da mih i klam wa beiñ wa kynnoh wa har rukom.

Hajrong ini u Wailadmiki da ong u wa ym em wa pyrkhat jngai yeini heiwa da yooluti u wow yoh yaroh neibhah du ka Jowai wa yoh ya kani ka Scheme na waroh ka Ri Khasi Jaiñtia katwa kiwi ym em wa yoh tangwa mih du i beiñ wa kynnoh donhi.

Related posts

Ym bien de u George wow yakhun MDC na ka Congress

December 27, 2024

Dawa ka BJP Meghalaya wow pynchitom ya uwa leh ya ki kaam wa ktah yei sñiaw ki Christan

December 27, 2024

Chooh chooh da ong u wa ki paidbah yong i ym em wa pynjohkhe ya ki wa ha Tura em ka MP kawa chong 24 kynta ha Delhi neibynta wow booddien ya ki Scheme hapoh Tura wa ka thaaiñ Garo tangwa ha Shillong Constituency won yoh ko da u MP wa chong ha Liang Pyrchah.

U Wailadmiki da ong u wa hanla mih ki kyntien wa beiñ ya oo har rukom wa u MLA ka Jowai toh uwa tang ki khynnah leh wym ap, tangwa sñiawkmen won u leh wa ki paidbah ka Jowai Constituency da suk ki hei lai i wan la hei miet i synyaaw lyngba ki sarok.

Heijooh i por da ong u wa oo ymtoh u bru wow beiñ wow pynbaad ya kiwi tangwa ha kani ka kynti u pynche u wa u MP wa katni da em u la 15 snem tangwa ym em por u ya kiyi kiyi waroh, heiwa da kdaw u wa da em i por yong ka Congress kawa da jooh synchaar nadooh ha District Council wa ha ka sorkar jylla wot hadooh ha ka sorkar pyrdi tangwa katni i por yong ka da sdang wiar ko heiwa katni da em i ksoh lok ko wot wa ki Party khian na kylleiñ.