theme-sticky-logo-alt
theme-logo-alt
Advertisement ad1
Advertisement ad1

Pynchlur ka DC wow lai chongkset ha ki CCC

Ha ka kyrwoh wa da phah da ka DC ka East Khasi Hills District da pyntip ko wa ka District Task Force on Covid-19 and Vaccination, da yachem ko ha ka 26 tarik uni u bnai ha Conference Hall ka Deputy Commissioner yow yaklam yei joor i ku kiwa dang yoh COVID-19 hapoh ka District.

Ya ka yalang da pynlai da ka Isawanda Laloo, IAS, Deputy Commissioner, East Khasi Hills, Shillong.

Ha kani ka yalang da chim ya ka yukheiñ bniah ya kiwa yoh ya u khñiang khlam, kiwa da khlaad wa i e tika. Hadooh katai ka sngi, 57% kiwa yoh ya u khñiang toh kiwa em ha ki thaw wa man sor katwa 43% won toh kiwa na ki thaw palat sor. Wei kiwa boon dooh kiwa yoh toh na ki kattu katni ki Cluster heiwa da rai wa ki dong wa ki chnong wa em palat 10 ngut kiwa chah ktah wow chimkhia kyrpang ya ki deiwa lai booddien yow chem ya kiwa rah ya u khñiang.

Da rai leh wow pynman da ki Macro Containment Zones ha ki thaw wa joor i poor ka khlam wei kamjooh wa em kiwa yap. Daw pyntikna wa da pynrkhiñ ya ki kyndon ha kam kini ki thaw wei daw pynjoor leh yei leh ya ki Test.

Neidaw wa smat i yabi u khñiang, da pynchlur wow leh yei chongkset ha ki thaw wa da pynkhreh da ka sorkar kam ki Corona Care Centres (CCC) wa ha ki Community Corona Care Centres lada ym ye wow leh ya ini ha ki yung.

Ka DC da kyntu ko leh ya ki waheh chnong wow pynchlur ki ya ki bru wow leh ya i chongkset ha ki thaw wa da pynkhreh da ka sorkar.

Ya kiwa chah ktah kiwa chitom mula mala, kiwa haap hapoh ka Category B daw phah ya ki wow lai ki cha ki CCC yow ye u paitbniah ya ki.

Da ban joor leh yei emkaam wow yoh smat yei sumaar deiwa lai cha ki Hospitals mar ya yoh ya ki dak ki chin wa chitom. Wei yow ye u leh ya ini, da pynchlur ya ki paidbah wow wan ki chakhmat lada mih ki dak ki chin wa chitom wei wow pyndooh yei tieñ wei sñiawthooh bakla chaphang ka khlam. Heiwa toh u pynman ya ka pynsñiawthooh paidbah yow lait nei sñiawthooh bakla khamtam ha ki thaw wa cha palatsor.

Ka yalang da ban joor ko leh yei emkaam wow chim ya i tika iwa man leh du ka donhi ka laad wow pyntkut i poor ka khlam, wei yow ye biang u im kam nachwa khamtam heiyatoh wa i khih i khan, ka puræ puthi kiwa da chah ktah bha na ini waroh.

Daw khut yei ya krehlang waroh ki shahep sorkar, ki seiñ imlang sahlang, ki chong ki thaw wa kiwa yahkhmat niam yow pynjoor yei e tika.

Share this:
Previous

I dor phñiang charak hapoh Amlarem Sub-Division

Next

I pynbait pood toh i kaamram ki sorkar jylla ym toh iwa mih neidaw ki jaitbru: NESO