Pynchlur u Conrad wow yaleh RTI ha ki Constituency ki MLA ka Liang Pyrchah yow chem lada pynkrehkaam kaam hok ki ya ki Scheme

U National President ka National People’s Party (NPP), u Conrad K Sangma hawa klam pdiang sñiawbha ya u Lambor Malngiang wa ki spah ngut kiwa kyrchaan ya oo da ong u wa i yaroh wa u Lambor man i cha lait ka Politics, deiwa chaniah yei kreh markylliang neibynta ki paidbah. 

Hawa pynsñiaw wa ka sorkar da chah beiñ wei chah kdaw kti ko ha ki Liang Pyrchah, da ong u wa u dieñ uwa mih soh jooh chah kawang moo u.

Da ong u wa em ki bru ki wym kwah wow e ya ki kaam pynroi cha ki paidbah, wei ym kwah ki leh wow yoh ya ki kam pynroi kamtæ pyrchang ki wow pynthut wow yahbakla ya ki paidbah da ki phaw jait wa i klam wa pynmih ki ha ki Social Media.

Related posts

Chah kem 8 ngut kiwa slaitbor ya ka khynnah wa dang 15 snem deiwa rahbor ka heipor wa lai mihlait

January 11, 2026

I yap u Garo toh neidaw wym ye ka sorkar wow pynsangeh yei tih mar pohkhyndaw pyrchah aiñ: BJP

January 11, 2026

Da ong u wa hawa pait ha ki Constituency khamtam yong ki MLA ka Liang Pyrchah, ym em kiwon kiwon ki kaam pynroi, heiwa da ong u wa ki paidbah yong kitu ki Constituency toh u paan ki da ka RTI na ki MLA yong ki wa da pynkrehkaam hok ki namo ym em ya ka MLA Scheme.

U Conrad da ong u wa da em ki MLA ka Liang Pyrchah ki wym kwah wow klam næ yachem ya u Montri Rangbah næ ki Montri Sorkar wow pynsñiaw ya iwa emkaam ki paidbah.