theme-sticky-logo-alt
theme-logo-alt
Advertisement ad1
Advertisement ad1

Ympu krehkaam ki Waheh Chnong Jowai wa ki bor District

Advertisement ad1
Advertisement ad1

Ynne ka sngi i yakhih hajrong i wym khat de ya i jhep na Iawmusiang wa i wym lithooh de ya i jhep na ki yung ha Jowai da ka Jowai Municipal Board da poi noh i chawa kut hadien wa da soi ya ka soskular wow chah biang u noh ya i jhep ha Mynkjai sa 3 bnai.

Kam wow pynkynmoo heini, heipor wa yakhih ki waheh chnong ka Jowai hapoh ka satri ka Synjuk Waheh Chnong Jowai ha ka 10 tarik uni u bnai da rai ki wow dam noh ya i krehkaam wa ki bor ka West Jaiñtia Hills la ha kiwon kiwon ki kaam wa kynthup wot ha i yakhun pyrchah ya ka khlam COVID-19.

Advertisement ad1

Ha ka 10 tarik ka Synjuk da chim ko leh ya ka rai wow pynman ya i lai paidbah namo ka Rally ha ka 17 tarik uni u bnai hajrong iwa ymye ka sorkar wow thooh ki laad wow kyrriah noh ya i jhep wei kamjooh leh wow wan thooh biang ya i jhep na ki manyung wa em hapoh Jowai.

Ynne ka sngi hadien i soi soskular, hawa yaklam wa u Secretary ka Synjuk ki Waheh Chnong Jowai, u Riquoma Rq Laloo da ong u wa i rai wow dam chwa wow krehkaam chirup wa ki bor District daw pteiñ i hanla da wan kit ya i jhep na Iawmusiang wei daw pteiñ i sangeh krehkaam wa ki bor District neibhah wa ki bor ka District ym tipmit ki ya ka Synjuk hadooh kini ki sngi leh.

Da ong u leh wa wot ya ka lehkmen dap 75 snem ka sngi laitlooid ka ri, neiliang ka Synjuk da rai ko wa ym chimbynta ko ha kani ka lehkmen.

Heiyatoh won wa ka lai paidbah namo ka Rally wa da thmu wow pynman ha ka 17 tarik uni u bnai, neiliang u Riquoma da pyntip u wa ya kani ka lai paidbah da pyndam noh ya ka dei kyrmen skem wa neini i kaam u man i iwa lai bait kamwa da mut.

Share this:
Previous

Pynchong sy’ir ki pulit ya ki paidbah: SNSBH

Next

Chah dat moo kawi ka kari pulit ha Jaiaw