Ka sorkar Manipur da hap ko wow pyndam yaka Chief Minister Police Medal for Gallantry wa da jied wow e cha uwi u pulit kam chibynta ka Manipur Patriots Day hadien wa pyrchah ka All Manipur Students’ Association (AMSU) neidaw wa uni u pulit toh uwa da dep chah kem ha ki kaam khayi drug ha u snem 2013.
Ka kyrwoh khubor ka sorkar Manipur da ong ko wa u Bheishamayum Debson Singh, SI toh uwa da jied haka 13 tarik uni u bnai yow yoh ya kani ka khusnaam wei da e khublei ko yaka AMSU yei warah ko yeini chakhmat wa uni u pulit da dep chah kem u haki kaam khayi drug wa chongdor T. 3 klur wei neidaw wa kani ka kaam man ko kawa khia, da phah takit wa kammon da jied ya uni u pulit wow yoh u ya kani ka Medal.
Da pyntip leh wa yaka khusnam wa da e cha u Singh da pyndam noh ka wei da thung yaka Committee wa da khlieh da u K. R. Singh, IGH (Int) yow pynman yaka takit wei ya u Inspector, E. Roshan Singh, Reader to SP/IE da chem wa emkti u ha ini i leh khalær wei da Suspend chwa ya oo wei da Suspend leh ya u Beheishamayum Debson Singh wa murieh u ya kani ka mukotduma kawa da em pyrchah ya oo.
U Bheishamayum Debson Singh da mih pyrtuid u deilang wa ki 13 ngut ki pulit yow yoh ya kani ka khusnaam wei da saam yaka haka 13 tarik uni u bnai kam chibynta ka Manipur Patriots Day.
Ka AMSU lyngba ka khubor da wanrah ko cha ki chkoor ka sorkar yeini wa uni u pulit toh uwa da chah kem deilang wa ki 11 ngut kiwa da chah pynbaad wa khayi drug kiwa chongdor T. 3.64 klur ha u snem 2013.
